לְהַלֶּלְךָ בְּכָל שַׁחְרִי וְנִשְׁפִּי / לְשׁוֹנִי יִדְרְשָׁה תָמִיד וְגַם פִּי,

וְאָקוּמָה לְשַׁחֶרְךָ בְּשִׂיחִי / וְאֶת נַפְשִׁי לְךָ אָשִׂים בְּכַפִּי.

יְחִידָתִי לְךָ תַעְטֹף וְתִשְׁאַל / סְלִיחָה מִקְּשִׁי לִבִּי וְעָרְפִּי.

חֲמֹל עָלַי וְחֹן, מַלְכִּי קְדוֹשִׁי, / אֲשׁוֹרֵר לָךְ בְּעוּגָבִי וְתֻפִּי,

קְרָאתִיךָ וּבֹקֶר לָךְ אֲצַפֶּה, / בְּעוֹדִי חַי וְנִשְׁמָתִי בְאַפִּי.