יְהִי שַׁדַּי בְּצָרֶיךָ / וְיַאְזִין מַאֲמָרֶיךָ,

וְיִשְׁמַע קוֹל תְּפִלָּתָךְ / וְתָמִיד יַעֲתִירֶךָ,

וְכָל־אוֹיֵב כְּמוֹ נָחָשׁ / יְלַחֵךְ אֶת־עֲפָרֶךָ.

וְשָׂמֵחַ תְּהִי תָמִיד / בְּמוֹ אֵשֶׁת נְעוּרֶיךָ

בְּחַיֵּי שֶׁיְּלָדֶךָ, / אֲדוֹנֵנוּ הֲדָרֶךָ.

וְתָגֵלְנָה וְתִשְׂמַחְנָה / בְךָ נַפְשׁוֹת חֲבֵרֶיךָ,

וְאָנֹכִי נְטַע יָדָךְ / וה……….ברֶיךָ

אֲשֶׁר לִי בָא תְּמוֹל שִׁלְשֹׁ[ם] / כְּתָב יָדָךְ בְּסִפְרֶךָ,

אֲשֶׁר טוּרָיו מְעֻלָּפִים / בְּסַפִּירֵי דְבָרֶיךָ,

אֲשֶׁר חִבֵּר בְּדֹלָחוֹ / כְּמוֹ יֵאוֹת לְשִׁירֶיךָ.

[זְכַ]רְתַנִי וְקָשַׁרְתָּ / לְרֹאשִׁי אֶת־כְּתָרֶיךָ,

וְשָׂמַחְתִּי בְּמוּסָרָךְ / וְחָכְמָתָךְ בְּחִירֶיךָ,

וְאָנֹכִי וּמֵרֵעַי / …..פָה מִנְּהָרֶיךָ.

וְאֵיךְ נַפְשִׁי יְדַמֶּה־בָּךְ / אֲשֶׁר יֵאוֹר לְאוֹרֶךָ?

וְאַתְּ הָרַב וְהַגָּדוֹל / וְאָנֹכִי צְעִירֶךָ,

וְהִנֵּה אַתְּ כְּיֵין חֶ[לְבּוֹ]ן / וְאָנֹכִי שְׁמָרֶיךָ,

וְאִם לֹא…..ש תְּהִי אָבִי / אֲנִי הִנֵּה זְמִירֶךָ,

[וְאִם אַתְּ] לוּ תְהִי מַגָּל / אֲנִי אֶהְיֶה קְצִירֶךָ,

ועוד………. / אני……..ש….רֶךָ.