וּבְכֵן – וַיְהִי דְּבַר יְיָ אֶל יוֹנָה בֶן אֲמִתַּי.
מִשִּׁמְעֲךָ רָהוּ / אֲנָשִׁים וַיִּתְמָהוּ,
אֲשֶׁר לוֹ הַיָּם וְהוּא עָשָׂהוּ.
אֵל נוֹרָא עֲלִילָה / דֶּרֶךְ לְבַעֲלֵי מְעִילָה
[5] הוֹרָה לִמְצֹא מְחִילָה,
נוֹרְאוֹתָיו גִּלָּה / לְהוֹדִיעַ כָּל פְּעֻלָּה,
כִּי לוֹ לְבַד הַגְּדֻלָּה.
יָזַם לְהָשִׁיב גְּמוּלָה / לְעִיר מִנִּי עַד שְׁתוּלָה,
נִינְוֵה הָעִיר הַגְּדוֹלָה
[10] יוֹם צִוָּה צִיר אֱמוּנַי / "קוּם קְרָא חֶזְיוֹנַי,
כִּי עָלְתָה רָעָתָם לְפָנַי".
צִיר בְּשׁוּבָם לִנְכֹחַ / בָּן כִּי יֶרֶב סְלֹחַ –
וַיָּקָם יוֹנָה לִבְרֹחַ.
חֶפְצוֹ בְבוֹא יָם קִיַּם, / וְנָשְֹאוּ מַיִם דָּכְיָם
[15] וַיְהִי סַעַר גָּדוֹל בַּיָּם.
קָרְאוּ יוֹרְדָיו בֵּינֵיהֶם / וַיָּטִילוּ כְלֵיהֶם
אֶל הַיָּם לְהָקֵל מֵעֲלֵיהֶם.
בְּיַרְכְּתֵי סְפִינָה קָדַם / וְלֹא נִתְמַנָּה בְסוֹדָם
וַיִּשְׁכַּב וַיֵּרָדַם.
[20] רַבָּיו קָרְאוּ כְמֵהִים / "קוּם, קְרָא לְשׁוֹכֵן גְּבֹהִים,
אוּלַי יִתְעַשֵּׁת הָאֱלֹהִים".
יָעֲצוּ עֵצָה נְכוֹנָה / לְהַפִּיל פּוּר בֶּאֱמוּנָה
וַיִּפֹּל הַגּוֹרָל עַל יוֹנָה.
הֵן לְחַוּוֹתָם בְּנִיבוֹ / שְׁאֵלוּהוּ: מַה טִּיבוֹ
[25] “מַה מְּלַאכְתְּךָ וּמֵאַיִן תָּבֹא?”
וַיַּעֲנֵמוֹ קָשָׁה / שְׁלֹשָׁה תַּחַת שְׁלֹשָׁה
“אֲנִי יָרֵא אֲשֶׁר עָשָׂה אֶת הַיָּם וְאֶת הַיַּבָּשָׁה”.
דִּבְּרוּ בְשָׁמְעָם בְּאָזְנֵיהֶם, / מִפְּנֵי אֵל, נוֹדַע לָהֶם,
הוּא בוֹרֵחַ, כִּי הִגִּיד לָהֶם.
[30] הֱשִׁיבוּהוּ בְלֵב סוֹעֵר / "בַּמֶּה יִשְׁתֹּק מִסְתָּעֵר,
כִּי הַיָּם הוֹלֵךְ וְסוֹעֵר?"
"גֹּשׁוּ יַחַד כֻּלְּכֶם / וַהֲטִילוּנִי בִכְלֵיכֶם
אֶל הַיָּם וַיִּשְׁתֹּק מֵעֲלֵיכֶם".
יַחַד הָמוּ וְחָלוּ / וְחָתְרוּ – אוּלַי יוֹעִילוּ
[35] אֶל הַיַּבָּשָׁה וְלֹא יָכֹלוּ.
אָז כְּנִכְבָּד כְּנִבְזֶה / צָעֲקוּ לְאֵל נֶעְלָם, כֹּל חוֹזֶה
“אַל נָא נֹאבְדָה בְנֶפֶשׁ הָאִישׁ הַזֶּה!”
תָּקְפוּ מִפֹּה וּמִפֹּה / טוֹרֵף נַפְשׁוֹ בְּאַפּוֹ
וַיְטִילוּהוּ אֶל הַיָּם וַיַּעֲמֹד הַיָּם מִזַּעְפּוֹ.
[40] אֵל יוֹדֵעַ סְתָרִים / אָמְנָם יָרְאוּ גְבָרִים
וַיִּדְּרוּ נְדָרִים.
אָז בַּמְּצוּלוֹת מִנָּה / נָאוֹר אֵין לוֹ תְמוּנָה
דָּג גָּדוֹל לִבְלֹעַ אֶת יוֹנָה.
וַיָּנַח בַּמְּצוּלוֹת / בִּמְעֵי דָג וַאֲפֵלוֹת
[45] שְׁלֹשָׁה יָמִים וּשְׁלֹשָׁה לֵילוֹת.