הִתְקַבְּצוּ, כִּי הַזְּמָן תָּמִים / ר' שמואל הנגיד

הִתְקַבְּצוּ, כִּי הַזְּמָן תָּמִים / עַתָּה כְּקַו לֵילוֹת כְּקַו יָמִים,

וּרְאוּ פְנֵי אֶרֶץ אֲשֶׁר לָבְשָה / סוּתֵי בְנוֹת מֶלֶךְ מְרֻקָּמִים,

וּשְׁתוּ דְמֵי עֵנָב עֲלֵי וֶרֶד / צִצָּיו כְּשָׁנִי אוֹ כְמוֹ דָמִים,

וּרְאוּ פְנֵי עָלָיו אֲשֶׁר צָמְחוּ / יַחְדָּו מְחֻבָּרִים וּמַתְאִימִים –

כִּפְנֵי יְפַת תֹּאַר מְבֻשָׂמִים / דָבְקוּ אֱלֵי פָנִים מְאָדָּמִים.