סימן: א"ב יצחק בן יהודה
יז
מַעֲשֶׂיךָ אֵין עֲרֹךְ אֵלֵימוֹ כִּי כְּפִיךָ כֵּן גְּבוֹהִים
בָּם נִגְלֵיתָ וּצְפוּנְךָ נְגוֹהִים
גָּדְלְךָ יְחַוּוּ כִּי אֵין כָּמוֹךָ בָּאֱלֹהִים
יְיָ וְאֵין כְּמַעֲשֶׂיךָ.
מָה רַבּוּ מַעֲשֶׂיךָ…
5 מַעֲשֶׂיךָ דּוֹבְרִים יִחוּדָךְ וּמַגִּידִים תְּהִלָּתְךָ בְּלִי חֶרֶץ
הֵם יוֹרוּ כִּי יֵשׁ מֵאַיִן קָרַצְתַּ קֶרֶץ
וּמוֹדִים כִּי מִי אֵל בַּשָּׁמַיִם וּבָאָרֶץ
אֲשֶׁר יַעֲשֶׂה כְּמַעֲשֶׂיךָ.
מָה רַבּוּ מַעֲשֶׂיךָ…
10 מַעֲשֶׂיךָ זָהֳרֵי חָכְמָה רֵאשִׁית יְצִירוֹת נוֹצְרוּ
חֻקֵּי תַבְנִיתָהּ מֵהַשִּׂיג גָּבְרוּ
טוֹעֲמֶיהָ טָעֲמוּ וְאָמְרוּ
לֵאלֹהִים, מַה נּוֹרָא מַעֲשֶׂיךָ
מָה רַבּוּ מַעֲשֶׂיךָ…
15 מַעֲשֶׂיךָ יְסוֹד שֶׂכֶל מְאוֹר חָכְמָה נִמְצָא
כְּנֹגַהּ אֵשׁ וּמִן הָאֵש בָּרָק יָצָא
לְפִיהוּ בַעֲשׂוֹתְךָ כְּבַר רָצָה
הָאֱלֹהִים אֶת מַעֲשֶׂיךָ.
מָה רַבּוּ מַעֲשֶׂיךָ…
20 מַעֲשֶׂיךָ מִנֹּגַהּ הַשֶּׂכֶל נְבוּנוֹתִי
נִמְצְאוּ נְשָׁמוֹת עַד לֹא נִמְצֵאתִי
סוֹדָם נִפְלְאוּ וְנוֹרָאוֹת נִפְלֵאתִי
נִפְלָאִים מַעֲשֶׂיךָ.
מָה רַבּוּ מַעֲשֶׂיךָ…
25 מַעֲשֶׂיךָ עָצְמוּ מִסַּפֵּר וּבַלֵּב לַעֲדֹר
פְּלָאֶיךָ אֵיךְ חַי מֵת יוּכַל לִסְדֹּר
צִדְקְךָ נוֹדַע דּוֹר לְדוֹר
יְשַׁבַּח מַעֲשֶׂיךָ.
מָה רַבּוּ מַעֲשֶׂיךָ…
30 מַעֲשֶׂיךָ קָצוּב מִזֹּהַר נְשָׁמָה גַּלְגַּלֵי מַעְלָה
רָצִים בְּלִי פַעַם בְּמַאֲמָר נִפְלָא
שִׁירוֹתֶיךָ יְתַנּוּ מֵאֵין מִלָּה
יוֹדוּךָ יְיָ כָּל מַעֲשֶׂיךָ.
מָה רַבּוּ מַעֲשֶׂיךָ…
35 מַעֲשֶׂיךָ תְּמִימִים בְּלִי יַשִּׂיגֵם חֶסְרוֹן
יָזַמְתָּ וּרְצוֹנְךָ קָם וְיֵשׁ יִתְרוֹן
צֹרֶךְ בְּרוּאֶיךָ לְהַמְצִיא בְכִשְׁרוֹן
מִפְּרִי מַעֲשֶׂיךָ.
מָה רַבּוּ מַעֲשֶׂיךָ…
40 מַעֲשֶׂיךָ חֲצֹב אַרְבָּעָה יְסוֹדוֹת בְּהִתְיַחֲדָם
קִימָם מִגִּזְרַת אֲוֵיר בְּהִתְיַלְּדָם
בִּרְיוֹת כּוֹנָנוּ יַחַד בְּהִוָּסְדָם
בְּאָסְפְּךָ אֶת מַעֲשֶׂיךָ.
מָה רַבּוּ מַעֲשֶׂיךָ…
45 מַעֲשֶׂיךָ נוֹרָאִים בְּהֲקִימְךָ בְּצִבְיוֹנָם בְּקוֹמָתָם
יְצוּרֵי בְרֵאשִׁית וּלְדַעְתָּם יְצִירָתָם
הֵן הוֹדַעְתָּ כָּל בְּהֵעָצֵר מִחְיָתָם
גֹּל אֶל יְיָ מַעֲשֶׂיךָ.
מָה רַבּוּ מַעֲשֶׂיךָ…
50 מַעֲשֶׂיךָ וְנוֹרְאוֹתֶיךָ נִצְּבִים לְעֵינַי
דִּבְּרוֹת קָדְשְׁךָ בְּתִתְּךָ לְפָנַי
הֵן צִוִּיתָ בַּעֲשׂוֹתָם יְבָרֶכְךָ יְיָ
אֱלֹהֶיךָ בְּכָל מַעֲשֶׂיךָ.
מָה רַבּוּ מַעֲשֶׂיךָ…