סימן: יצחק בן יהודה גיאת
כד
בְּחָכְמָה יִסַּדְתָּ עוֹלָם בְּלִי מֵאַחֵר תִּתְבּוֹנֵן
בְּחָכְמָה יִבָּנֶה בַּיִת וּבִתְבוּנָה יִתְכּוֹנָן.
בְּחָכְמָה צָרַפְתָּ בִּיצִירָה וּמִשְׁכָּן וּבֵית עוֹלָמִים נִגְרַעַת
בְּחָכְמָה וּבִתְבוּנָה וּבְדַעַת.
5 בְּחָכְמָה חָקּוֹתָ שָׁמַיִם וָאָרֶץ שַׁתָּה וְהַכֹּל בְּלִי דֹפִי
מָלֵא חָכְמָה וּכְלִיל יֹפִי.
בְּחָכְמָה קָבַעְתָּ אַרְבָּעָה סְבִיב מַרְכְּבוֹתֶיךָ וְשִׁבְעָה מְשָׁרְתֵי עֹצְמָה
שֶׁטּוֹב לְפָנָיו נָתַן חָכְמָה.
בְּחָכְמָה בְּתוֹךְ פְּלָכִים בְּאֵין יוֹצֵאֵת וּפֶרֶץ
10 בְּחָכְמָה יָסַד אָרֶץ.
בְּחָכְמָה נִגְלֵיתָ וְאֵין קִצְבָּה לִתְבוּנָתֶךָ וְקֵצֶה
וְהַחָכְמָה מֵאַיִן תִּמָּצֵא.
בְּחָכְמָה יָזַמְתָּ כֹּל וּמֵאִתְּךָ עָרְמָה
כִּי יְיָ יִתֵּן חָכְמָה.
15 בְּחָכְמָה הֲכִינוֹתָ שְׁתַּים וּשְׁלשִׁים פְּלָכִים נְכוֹנִים
וּמֶשֶׁךְ חָכְמָה מִפְּנִינִים.
בְּחָכְמָה וּבִתְבוּנָה חַקּוֹתָ שָׁלשׁ סְפָרִים נְעִימִים
וְהֵמָּה חֲכָמִים מְחֻוכָּמִים.
בְּחָכְמָה דַּעַת נִשְׂגְּבָה צָפַנְתָּ בְּעֶשֶׂר סְפִירוֹת בְּלִימָה
20 וְלִבִּי רָאָה הַרְבֵּה חָכְמָה.
בְּחָכְמָה הוֹדַעֲתָּ עֶשְׁרִים וּשְׁתַּיִם וְחַקּוֹתָם
אֲשֶׁר חֲכָמִים יַגִּידוּ וְלֹא כִּחֲדוּ מֵאֲבוֹתָם.
בְּחָכְמָה גִּלִּיתָ סוֹד שָׁלשׁ אִמּוֹת לְזִקְנֵי אֲיֻמָּה
וָאֶתְנָה אֶת לִבִּי לָדַעַת חָכְמָה.
25 בְּחָכְמָה יְסוֹד חָכְמוֹת שֶׁבַע כְּפוּלוֹת חָשַׂפְתָּ חֹשֶׂף
כִּי בְצֵל הָחָכְמָה בְצֵּל הַכָּסֶף.
בְּחָכְמָה אוֹפַנֵּי תְבוּנָה בִּשְׁתֵּים עֶשְׂרֵה פְּשׁוּטוֹת בֵּאַרְתָּ כְּלָלֶיהָ
וְהַחָכְמָה תְּחַיֶּה בְּעָלֶיהָ.
בְּחָכְמָה תַּכְלִית מִפְעָל שַׁתָּה תְּחִלַּת מְזִמָּה
30 יִרְאַת יְיָ הִיא חָכְמָה.