תרגום הכתובת הערבית: ולו בקומו ללכת לבית המלך.

הָאוֹיְבִים רַבִּים בְּבֵית הַמֶּלֶךְ – / וּמְיַחֲלִים רַחְמֵי אֲדוֹנִי מֶלֶךְ

[לֹא יַחְסְרוּ כָל טוּב], אֲבָל לֹא יֶחֱסַר / מִבֵּית מְשַׂנְאַי מַחֲזִיק בַּפֶּלֶךְ.

אִם נִצְּבוּ, נַפְשִׁי, כְּנֶגְדֵּךְ בּוֹעֲרִים – / אוֹתָךְ בְּדֶרֶךְ תֵּלְכִי אַשְׂכִּילֵךְ.

עֶזְרַת אֱנוֹשׁ עִזְבִי, וְעֶזְרָה בַקְּשִׁי / לַאְשֶׁר שְׁמוֹ מִשְׂגָּב לְדַל וָחֵלֶךְ

וּבְאַרְמְנוֹתַיִךְ תְּהִי שַׁלְוָה לְעַד / וּבְאָהֳלֵךְ שָׁלוֹם יְהִי, וּבְחֵילֵךְ.

לִבִּי, חֲזַק וֶאְמַץ, וְאִם הַלּוֹחֲמִים / רַבִּים – יְהָבְךָ עַל אֲדֹנָי הַשְׁלֵךְ!

מַלְכָּךְ שְׁמָךְ יָרִים, וְיַשְׁפִּיל אוֹיְבִים, / יֹאמְרוּ בְּכָל מָחוֹז וְגַם כָּל פֶּלֶךְ:

״בָּרוּךְ אֲדֹנָי, אוֹיְבִים לָךְ הֶעֱבִיד / וַיִּתְּנָה כָזֹאת בְּלֵב הַמֶּלֶךְ״.