חכמת המסכן בזויה
בְּיוֹם צַר לִי וְהַמִּשְׁפָּט מְחַיֵּב / לְהַשְׁפִּילִי וְהַפִּילִי לְעָפָר –
מְתֵי סוֹדִי לְשֻׁדִּי תִעֲבוּנִי / וְחֹק מִשְׁפַּט בְּרִיתָם סָר וְכֻפַּר,
בְּאָמְרָם כִּי בְמִרְדִּי סָף מְאֹדִי / וְרֹב סִכְלִי וְכִסְלִי לֹא יְסֻפַּר.
וְאִם אָמְנָם תְּשֻׁנֶּה מַעֲרַכְתִּי / וְיֶאְתָיוּ שְׁנוֹת מִנְיָן וּמִסְפָּר –
נְבוֹן דָּבָר וְיָשָׁר יַחְשְׁבוּנִי / וְלָהֶם יֶעֱרַב שִׂיחִי וְיִשְׁפַּר,
וְכֻלָּם יַעֲנוּ יֹאמְרוּ ״רְאֵה סָר / עֲווֹנֶךָ וְחַטָּאתְךָ תְּכֻפַּר!״