יָקְרוּ לְהַלֵּל, / יָהּ, מַהֲלָלֶיךָ
וְאֵין מִי יְמַלֵּל / עֹז מִפְעָלֶיךָ
וִיחַו יוֹם וְלֵיל / מִפְלְאוֹת שִׂכְלֶךָ –
כִּי אַתְּ מְחוֹלֵל / כֹּל בְּנִיב מִלֶּיךָ.
רַבּוֹת עָשִׂיתָ / בְּעֹצֶם גָּדְלֶךָ,
אֲדֹנָי אֱלֹהַי, אֵין עֲרֹךְ אֵלֶיךָ!
צוֹפֶה לְכֹל – אַךְ / בְּעַיִן אֵין צוֹפֶה,
וּפוֹעֵל בְּלִי יָד / וּמְדַבֵּר וְאֵין פֶּה,
וְחַי לֹא כְּחַיֵּי / אֱנוֹשׁ לְמָחָר נִסְפֶּה,
וּמֵאָז נוֹדַע / בְּשֵׁם מוֹחֵץ וְרוֹפֵא,
וְעוֹשֶׂה טוֹב וְרַע – / אַךְ שְׁנֵיהֶם יָפֶה,
וְנִצְפֶּה בְשֵׂכֶל / וְלֹא בְעַיִן צוֹפֶה –
כִּי מִפְעָלֶיךָ / יְעִידוּן עָלֶיךָ.
חָכָם בְּחָכְמָה / נִפְלֵאת נִפְלֵאתָ
וְדַעַת פְּלִיאָה / מִנִּי נִפְלֵיתָ
וּמִבּוֹא בְמֶחְקַר / חֲכָמִים נַעֲלֵיתָ.
מִי זֶה יְמַלֵּא / אֲשֶׁר לֹא מִלֵּאתָ
וְיָחֵל וִיכַלֶּה / אֲשֶׁר לֹא כִלִּיתָ?
נִכְסֶה – וְאוּלָם / בְּפִלְאֲךָ נִגְלֵיתָ,
וְרָם בְּאֵין מָקוֹם / וְעוֹלָם מָלֵאתָ,
אַתָּה תִּסְבְּלֵהוּ – / וְהוּא לֹא יִסְבְּלֶךָ!
קָדוֹשׁ מְקֹרָא / וּמְשָׁרְתָיו קְדוֹשִים,
טְהוֹרֵי עֶצֶם / כְּעֶצֶם תַּרְשִׁישִׁים,
פְּלִיאֵי צוּרָה / וְלֹא תַבְנִית אִישִׁים,
לְבִלְתִּי שְׁלָט-בָּם / יְסוֹד חֲמִשָּׁה רְגָשִׁים
וּמַחֲנוֹת נִפְרָשִׁים / לְאַרְבַּעַת רָאשִׁים
לְהַלֵּל נִגָּשִׁים / לְקֹדֶשׁ הַקֳּדָשִׁים
וְיִהְיוּ מַקְדִּישִׁים / בְּתוֹךְ הֵיכָלֶךָ.