עַל מִשְׁפְּחוֹת הַמּוֹשְׁלִים עָבַרְתִּי / אֶתְמוֹל לְאֶרֶץ נוֹגְנִים שִׁחַרְתִּי,
כִּנּוֹר לְנַגֵּן טִפְּחָה יָדִי, וְעַל / יָמִין יְתָרַי בַּכְּלִי קָשַׁרְתִּי.
וָאְנַגְּנָה – אוּלַי בְּיוֹם אֶתְעַדְּנָה / יִרְוַח לְמָרֵי לֵב – וּבַשִּׁיר שַׁרְתִּי.
אִם לֹא בְיָמַי – לוּ בְמוֹתִי יִמְצְאוּ / שִׁיר אַחֲרֵי עַל הַר נְבוֹ קֻבַּרְתִּי
״אִלּוּ כְגָרְנִי קָם לְשִׁיר נָבִיא – יְהִי / קֹדֶשׁ וְאַל בּוֹ תִגְעוּ״ בֻּשַּׂרְתִּי.
מַה מָּצְאוּ בִי חֵטְא וְעָווֹן שוֹטְנַי? / הַאֶעֱבֹר תּוֹרוֹת, בְּרִית הֵפַרְתִּי?
יֵחָרְבוּ צָרַי וְלֹא יִכָּתְבוּ / בִכְתָב בְּנֵי עַמִּי! לְיוֹם אָמַרְתִּי.
צַר לִי עֲמָלֵקִי לְדָלְקִי יֶאֱרֹב – / אֶקֹּב כְּשִׁמְעִי, אַחֲרָיו עִפַּרְתִּי.
לוּ קָם צְבָא שַׁחַק וְדָלַק אַחֲרַי – / הַאֶעֱרֹץ כַּיּוֹם וְהִשְׂתָּעַרְתִּי?
הִתְפַּזְּרוּ עִתּוֹת אֲנָחָה, עָבְרוּ, / וּשְׁנוֹת הֲנָחָה כַּעֲדִי עִטַּרְתִּי,
אֶהְיֶה לְעוֹלָם עוֹד גְּבִיר, אִם מִדְּבִיר / נִכְבָּד כְּאַרְבֶּה אוֹ כְגוֹב נִגְעַרְתִּי!
חֶלֶד! לְאַט לִי לַאֲצִילֵי אַט – וְאַט / לָהֶם שְׁלוֹמֵי אַהֲבָה זָכַרְתִּי.
הֵיכַל יְיָ, הָעֲבוֹדָה, לִפְנַי, / אִם אֶבְגְּדָה בָהֶם וְאִם שָׁקַּרְתִּי!
רוּחַ זְמִירַי עַל פְּנֵיהֶם יַחֲלֹף, / שַׂעְרַת בְּשָׂרָם מֵרְתֵת שָׁמַרְתִּי.
הֵם לִקְרָאתִי חָרְדוּ לֹא עָמְדוּ / רָאוּ וְהִבִּיטוּ אֲשֶׁר בִּקַּרְתִּי,
כַּמָּה יְבִיאוּן מַעֲדַנֵּיהֶם לְפִי / וָאֵשְׁתְּ מִיֵּינָם וְהִשְׁתַּכַּרְתִּי,
וָאֶשְׁכְּנָה תוֹכָם כְּמֶלֶךְ בַּגְּדוּד / נִשְׁעָן עֲלֵי יָדָם וְהִתְפָּאַרְתִּי.
הֵמָה אֲהֵבוּנִי נְדָבָה – אֹהֲבֵם / נֶצַח, וּבָחְרוּ בַּאֲשֶׁר בָּחַרְתִּי.