מִי זֶה הָאִישׁ שֹׁחֵר שָׁלוֹם עַד קֶבֶר

לָשֶׁבֶת בֶּטַח כָּל-יָמָיו מִסַּעַר,

פֹּה בִדְרָכַי תֵּלֵךְ אַל תֵּט אֶל עֶבֶר,

כִּי זֶה הֵיכַל כָּל-טוּב, אַף זֶה הַשַּׁעַר:

עַל הוֹן תָּשִׂישׂ רַק לֹא תֵחַת עַל שֶׁבֶר,

אַתָּה תֶחְכָּם רַק לֹא תָבוּז אִישׁ בַּעַר,

בַּנֹעַם תִּתְרָאֶה לִקְרַאת כָּל-גֶּבֶר,

אֶת הַיָּשִׁישׁ תֶּהְדַּר, תָּחוֹן הַנַּעַר.

אַל נָא תֶהְגֶּה אִם לֹא תִשְׁפֹּט כָּל-אֹמֶר,

אַל נָא תִשְׁפֹּט אִם לֹא תַחְקֹר כָּל-טַעַם,

אַל נָא תַחְקֹר אֶת הַנִּשְׂגָּב מֵחֹמֶר.

אִם יֵשׁ עָוְלָתָה בָךְ אַחֵר אַל תֹּכַח,

אִם זָר שִׁמְךָ נִאֵץ אַל תַּט בַּזַּעַם,

שִׁיתָה תָמִיד יִרְאַת שַׁדַּי אֶל נֹכַח.