¹

ה', הַקְשִׁיבָה רִנַּת אֱמוּנִים / הַאֲזִינָה תְּפִלַּת בְּחוּנִים / הָעֲנִיִּים וְהָאֶבְיוֹנִים

מְבַקְשִׁים מַיִם.

שׁוֹקֶקֶת הָאָרֶץ גְּשָׁמֶיהָ / וּבְהֵעָצֵר שָׁמֶיהָ / מַר יִבְכָּיוּן תְּלָמֶיהָ

חֲרֵדִים וְנוֹהִים / צְמֵאִים כְּמֵהִים / פֶּלֶג אֱלֹהִים

מָלֵא מַיִם.

מִטְרוֹת עֹז הַמְטֵר / נוֹתֵן עֹז לְמוֹשֵׁל וְשׁוֹטֵר / וּשְׁנַת טוֹבָתְךָ עַטֵּר

וְאִם לֵב אֶבֶן לְבָנִים / רְאֵה כִּי בְּדִמְעוֹת פָּנִים / אֲבָנִים

שָׁחֲקוּ מַיִם.

עָבִים שְׁחָקִים יַקְדִּירוּ / בְּרָקִים תֵּבֵל יָאִירוּ / צִמְחָהּ לְבָרֵךְ יַמְטִירוּ

גִּשְׁמֵי בְּרָכָה עוֹדֶפֶת / מִשָּׁמַיִם נִשְׁקֶפֶת / וְרוּחַ הֲנָחָה מְרַחֶפֶת

עַל פְּנֵי הַמַּיִם.

וְאוֹצַר גְּשָׁמִים / פְּתַח לַעֲגוּמִים / פְּנֵיהֶם נִזְעָמִים

לְטַהֵר לֵב טָמֵא / בַּשֵּׁר עָם הוֹמֶה / כָּל צָמֵא

לְכוּ לַמַּיִם.

נַחַל עֲדָנֶיךָ / הַשְׁקֵה בָּנֶיךָ / מְבַקְשֵׁי פָנֶיךָ

וְעַל הָרָעָה הִנָּחֵם / וּבַשְּׂרֵם כִּי תִזְכֹּר רַחֵם / לֹא רָעָב לַלֶּחֶם

וְלֹא צָמָא לַמַּיִם.

בֵּן יַקִּיר לִבְּךָ יִשְׂמַח / צֶמַח הָאֲדָמָה חִישׁ יִצְמַח / חֲזַק וַעֲשֵׂה קֶמַח

שׂוֹנְאִים יִרְעֲבוּ וְאַתֶּם תֹּאכְלוּ / אָכוֹל וְשָׁבוֹעַ וְשֵׁם ה' תְּהַלְּלוּ / וּגְבוּרוֹתָיו בְּקוֹל רִנָּה תְּמַלְּלוּ

קוֹל ה' עַל הַמָּיִם.