שׁוּעָל אֶחָד הָיָה דַק וְדַל בָּשָׂר / כָּל הַיּוֹם טַרְפּוֹ יֶחְסַר / וְשָׁב כְּמוֹ הַשָּׁפָן / מֵחֹסֶר וְכָפָן. / וַיְהִי יוֹם אֶחָד מְלָאוֹ לִבּוֹ / לָצֵאת מִסְּבִיבוֹ. / וַיִּפֶן כֹּה וָכֹה וַיַּרְא גַּן אֶחָד, וַיִּתְמַהּ עַל טוּבוֹ וְיָפְיו ֹ / וַיִּשְׂמַח עַל רֹב מְגָדָיו וּפִרְיוֹ. / וְהָיוּ קִירוֹתָיו גְּבֹהִים, / וְלֹא יָכֹל לִקְפֹּץ עֲלֵיהֶם לָבוֹא בַגַּן./ וַיֵּלֵךְ סְבִיבוֹת הַגַּן / עַד אֲשֶׁר מָצָא חֹר אֶחָד וְנִכְנַס שָׁם וּבָא אֶל הַגַּן /וְאָכַל וְשָׂבַע וְדָשֵׁן / וְהָיָה בְכָל יוֹם אוֹכֵל וְיָשֵׁן. וּבְבוֹא עֵת הַבָּצִיר בָּא בַעַל הַגַּן / לִבְצֹר כַּרְמוֹ שֶׁהָיָה בְתוֹךְ הַגַּן. / וְכִרְאוֹת הַשּׁוּעָל אֶת הַבּוֹצְרִים / אֲחָזוּהוּ חֲבָלִים וְצִירִים / וַיֹּאמֶר “עַתָּה יִמְצָאוּנִי / וּלְהַפְשִׁיט עוֹרִי יַהַרְגוּנִי”. / וַיָּשָׁב אֶל הַחֹר לָצֵאת מִשָּׁם כַּאֲשֶׁר בָּא וְלֹא יָכֹל מֵרֹב בְּשָׂרוֹ וְשַׁמְנוֹ / וַיִּגְדַּל כְּאֵבוֹ וִיגוֹנוֹ. / וַיָּצָם שְׁלֹשָׁה יָמִים, לַיְלָה וָיוֹם, וַיְעַנֶּה אֶת נַפְשׁוֹ / עַד אֲשֶׁר שָׁב לְדַלּוּתוֹ וְכַחֲשׁוֹ / וַיֵּצֵא מִן הַחֹר אֲשֶׁר בָּא בוֹ וְהָיָה צוֹעֵק וּבוֹכֶה “אוֹי לִי מַה יּוֹעִילֵנִי אֵת אֲשֶׁר אָכַלְתִּי וְשָׁתִיתִי / וְשָׁמַנְתִּי וְעָבִיתִי – / וְהִנֵּה שַׁבְתִּי לְדַלּוּתִי כַּאֲשֶׁר הָיִיתִי!”