כ. לידידי הנעים אשר רגלו עמדה במישור ושם שברו על ה' אלהיו ביום טובה כיום רעה ויהי אישׁ מצליח
פרק:
מיקום ביצירה:
0%
אָשִׁיר עֲלֵי עָשׂוֹר וְעַל הַנֵּבֶל
אֶל אֹהֲבִי חָזָק כְּעַמּוּד שַׁיִשׁ;
לִבּוֹ בְקִרְבּוֹ כַאֲרִי וָלָיִשׁ,
יִשְׂחַק כְּיוֹם טוֹבָה לְיוֹם הָאֵבֶל.
הִנֵּה מְעוּף צוּקָה כְּאֵב וָחֵבֶל
רַב לוֹ, כְּהִדּוֹשׁ קַשׁ בְּעֵת הַדַּיִשׁ;
אַךְ שָׁב עֲרָפֶל לוֹ כְּאוֹר הָעַיִשׁ,
וּלְעִנְּבֵי חֶדְוָה בְּאֻשֵׁי סֵבֶל.
הָאֵל אֲשֶׁר חֹקֵר לְבַב הַגֶּבֶר
עַל מַעֲלָלָיו שָׂשׂ; וְלוֹ עַל כֶּפֶל
הֵשִׁיב גְּמוּל יָדָיו בְּבֵית מָנוֹחַ.
הֵן כַּנְּשָׁרִים יַעֲלוּ הָאֵבֶר
אִישִׁים תְּמִימִים יֹשְׁבִים בַּשֵּׁפֶל;
קֹוֵי אֲדֹנָי יַחֲלִיפוּ כֹחַ.