אַשְׁרֵי מַשְׂכִּיל אֶל־דַּל, אַשְׁרֵי יֹדֵע

אֶת־עָנִי בַמִּסְתָּר, וַיְהִי מַחְסֵהוּ;

אֶנְקַת דַּכָּא וָרָשׁ אַשְֹרֵי שׁוֹמֵע,

מִכָּל־צָרָה וָנֶזֶק יַצִּילֵהוּ.

עַל דִּמְעַת הַמִּסְכֵּן אַשְׁרֵי דֹּמֵעַ,

אִם בָּרָעָב אִם בַּצָּמָא יַרְוֵהוּ;

עַל מַכְאוֹב חֶלְכָּאִים יִכְאַב, וּכְרֵעַ

יַלְבֵּשׁ אֶת־דַּךְ מַדָּיו, וַיִּיף מַרְאֵהוּ.

עֹמֵד לִימִין אֶבְיוֹן, חָשְׁכּוֹ יַגִּיהַּ,

יִמְצָא חַיִּים, כָּבוֹד, הָדָר, תִּפְאֶרֶת;

קִנְאָה תִרְקַב, עַוְלָתָה תִּקְפֹּץ פִּיהָ.

וּבְכֶלַח וּבְשַׁלְוָה יָבֹא אֶל־קֶבֶר; כָּל־פֶּה יוֹדֶה לוֹ, כָּל־לָשׁוֹן אֹמֶרֶת:

אַשְׁרֵי כָּל־אֵלֶּה לּוֹ, אַשְׁרֵי הַגֶּבֶר!