יָרֵא וְרַךְ לֵבָב! וְאֵיךְ פָּחַדְתָּ
לַיְלָה וְיוֹמָם עַל דְּבַר אִשְׁתֶּךָ?
וּלְבָשְׁתְּךָ כָזֹאת, לְחֶרְפָּתֶךָ,
כִּי עַרְשְׂךָ בִּכְסוּת רְתֵת רִפַּדְתָּ.
הִנֵּה כְאַיָּלִים הֲלֹא רָקַדְתָּ
מִפֹּה וְגַם מִפֹּה; בְּתוֹךְ בֵּיתֶךָ
רַעַד וּפַלָּצוּת, סְבִיבוֹתֶיךָ
פַּח יוֹקְשִׁים תִּרְאֶה וְלֹא נִלְכַּדְתָּ.
הַשְׁלֵךְ מְעִיל קִנְאָה, וְסוּת הַפַּחַד
מֵעִמְּךָ הָסֵר; וְשִׂימָה שֶׂבֶר
עַל יַעֲלַת חֵן אוֹתְךָ אֹהֶבֶת.
בִּזְדוֹנְךָ וּבְמֶרְיְךָ גַּם יַחַד
אִם תַּעֲמֹד תִּהְיֶה לְךָ אֹיֶבֶת,
וּשְׁחוֹק יְהִי שִׁמְךָ בְּפִי כָל־גֶּבֶר.