אֵשׁ תָּמִיד תּוּקַד עַל מִזְבֵּחַ הַבַּעַל

לִשְׂרֹף כָּל חַנְפֵי לֵב, כָּל מַטֵּה רֶשַׁע;

אַנְשֵׁי דָמִים, מִרְמָה, עָוֹן וָפֶשַׁע

כִּלּוּ חַיֵּיהֶם בִּנְכָלִים וָמַעַל.

וּלְכֻלָּם יָרָבְעָם יֵשֵׁב מִמַּעַל,

תּוֹלַעְתּוֹ נֶצַח לֹא תָמוּת, וּבְפֶשַׁע

יֵרֵד לִשְׁאוֹל תַּחְתִּית, לֹא יִרְאֶה יֶשַׁע,

כּוֹס שַׁמָּה וּשְׁמָמָה יִשְׁתֶּה, סַף רַעַל.

אֵין דֵּי בָעֵר גֵּי בֶן־הִנֹּם וָתֹפֶת

לִפְקֻדַּת זֵד יָהִיר, רָשָׁע, רֹקֵחַ

לִשְׁנֵי עֶגְלֵי זָהָב רֹקַח מִרְקַחַת.

שֹׁתֶה עַוְלָה כִּדְבַשׁ וָצוּף וָנֹפֶת.

שֵׁדִים, הָכִינוּ לוֹ יוֹם־יוֹם מַטְבֵּחַ

נֶצַח לֹא יִרְאֶה אוֹר, יִרְאֶה הַשָּׁחַת.