תרגום

אֵלִי, לְךָ וּלְבַדְּךָ חָטָאתִי:

אִם נֶגְדְּךָ אוֹדֶה עֲלֵי כָל-פֶשַׁע,

אִם נִגְּרָה עֵינִי לְצַפּוֹת יֶשַׁע,

אִם לֵב אֲשַׁבֵּר לָךְ, מְעַט קָרָאתִי.

אֶמְחֶה אֱנוֹשׁ עִם כָּל אֲשֶׁר בָּרָאתִי,

"וָאֶתְּנָה מַבּוּל לְמַטֵּה-רֶשַׁע

"[אָמַר אֱלֹהִים חַי] וְאָז כַּפֶשַׁע

“חָסַר לְקֵץ, לוּלֵי בְרִית כָּרַתִּי.”

אֶשְׁחַק לְבָבִי כַּעֲפַר הָאָרֶץ,

גַּם עַד אֲשֶׁר-דַּק אֶל פְּנֵי רֹאֵהוּ,

יַבִּיט וְלֹא יַכִּיר אֱנוֹשׁ מַרְאֵהוּ.

אֶמְאַס חֲטָאַי, מַעֲשַׂי אַשְׁלִימָה;

לָכֵן מְקוֹר חַיִּים וְגֹדֵר פָּרֶץ!

רוּחַ וְלֵב חָדָשׁ בְּקִרְבִּי שִׁימָה.