יֶתֶר הָרְפָאִים

א

בְּשׁוּב מְרַגְּלִים מֵחֶבְרוֹן,

מַלְאָכִים — מִנַּחַל אֶשְׁכֹּל,

בָּכָה יִשְׂרָאֵל לִשְׁבָטָיו,

מָרְטוּ שְׂעַר־נִזְרָם כֹּהֲנָיו.

הָיָה פָּארָן לַחֲרָדָה

וְקָדֵשׁ — לְבֵית־אֲבֵלִים;

בְּכִי נָשִׁים וָטַף בָּאֳהָלִים

וְקוֹל צֹאן פּוֹעֶה בַּגְּדֵרוֹת.

יָרְאוּ אֶת בְּנֵי־הָעֲנָקִים,

אֶת אַנְשֵׁי־הַמִּדּוֹת יָרֵאוּ, —

שְׁאֵרִית הַנְּפִילִים בָּאָרֶץ,

נִינֵי־אֱלֹהִים וּבְנוֹת־אָדָם;

שֵׁשׁ אֶצְבָּעוֹת וְשֵׁשׁ לִידֵיהֶם

וְהַבָּרָק בְּלַהַב־כִּידוֹנָם.

קָם יְהוֹשֻׁעַ, הוֹכִיחָם,

חִזֵּק לְבָבוֹת נְמוֹגִים;

לֹא בָרָק וְלֹא רַעַם־שָׁמַיִם —

בָּשָׂר וְלֹא רוּחַ, כֻּלָּהַם;

חַרְבוֹת־צוּר קֵהוֹת בְּיָדָם

וַחֲנִיתוֹת — חֻדֵּיהֶן עֶצֶם.

לֹא תוֹעִיל אֶצְבָּעָם הַיְתֵרָה,

כְּאֶצְבַּע הַצִּפּוֹר לֹא תִכַּף;

לֶאֱלִילֵי־אֶבֶן יִכְרָעוּן

וְאֶבֶן כָּל כְּלֵי־מִלְחַמְתָּם.

וְאִתָּנוּ אֲרוֹן אֵל־צְבָאוֹת

וְחַרְבוֹת־נְחשֶׁת בַּחֲגוֹרָה;

כְּתֶבֶן נָדוּשׁ אֶת בְּשָׂרָם,

צִנּוֹת עוֹר־פָּר לֹא יְגִנּוּם.

ב

לֹא אָבָה שְׁמֹעַ יִשְׂרָאֵל,

בְּדִבְרֵי בִּן־נוּן לֹא הֶאֱמִינוּ;

לֹא שָׁכַח אֶת בֵּית־הָעֲבָדִים,

הִתְנֶחָם כִּי רָאָה מִלְחָמָה.

וְאַרְבָּעִים שָׁנָה בָּם יָקוּט

אֵל־צְבָאוֹת, עַד נָפְלָם בַּמִּדְבָּר;

עַד חָזֹק מִצּוּר לֵב־יְלָדָיו

וְהָיֹה בְּשָׂרָם נְחוּשָׁה —

לִמּוּדֵי קֶשֶׁת וּמַחְסוֹר,

וְנָשָׁיו כִּיעֵלוֹת־הַשָּׂדֶה.

רְמָחִים, כִּמְנוֹרֵי־אוֹרְגִים,

וְכוֹבְעֵי־יְשׁוּעוֹת לֹא יִשָּׂא,

נוֹעָז כַּלָּבִיא בְּצֵאתוֹ,

שְׁחוּף־בֶּטֶן וְקַל־הָרַגְלַיִם;

אוֹכֵל מְעַט, מַרְבֶּה חַיִל

וְנִשְׁמָע לִתְרוּעַת מַצְבִּיאָיו.

וְשֵׁבֶט שֵׁבֶט עַל דִּגְלוֹ

יִסְעוּ וְיַחֲנוּ וְיִסְעוּ;

כִּצְרָעוֹת וּדְבוֹרִים כֵּן יָעוּף,

עַל אוֹיֵב יִתְנַפֵּל, לֹא יַרְפֶּה.

בְּחֵץ וּבְאַבְנֵי־הַקֶּלַע

יוֹר וְלֹא יַחֲטִיא מַטָּרָה,

יַשְׁקִיעַ חַלּוּקֵי־אֲבָנִים

בִּמְצָחוֹת וְיִרְעַץ קָדְקֳדִים.

ג

צָלַח עַם חָדָשׁ הַיַּרְדֵּן,

עָבַר כְּסוּפַת־הַנֶּגֶב;

יְרִיחוֹ וְהָעַי — מְדוּרוֹתָיו,

בּוֹעֲרוֹת בְּעִקְּבוֹת הַמְרַגְּלִים.

נִפְגַּשׁ עִם מְחִתַּת־אֲבוֹתָיו —

לֹא פָחַד וְלֹא נָסוֹג אָחוֹר,

וַיַּכֶּה אֶת שְׁאֵרִית הָרְפָאִים,

הִכְרִיתָם בָּהָר וּבַמְּעָרוֹת.

הִתְמוֹלְלוּ חַרְבוֹת־הַצּוּר,

אֱלֹהֵי־הָאֶבֶן נֶעֱרָפוּ

בְּחֶבְרוֹן, בִּדְבִיר וּבַעֲנָב…

לֹא נוֹתְרוּ עֲנָקִים בָּאָרֶץ,

רַק בְּעַזָּה וּבְגַת שָׁם נִשְׁאָרוּ

וּשְׁאֵרִית־הַפְּלֵיטָה — בְּאַשְׁדּוֹד.

בְּדֶרֶךְ־הַיָּם כֵּן נִמְלָטוּ,

בְּסִירוֹת פְּלִשְׁתִּים עֲגֻלּוֹת.

בִּקְשׁוּ מִפְלָט בְּאַשְׁקְלוֹן

בְּחַדְרֵי בְנוֹת־דָּגוֹן הָחְבָּאוּ,

לָתֵת אַחֲרִית לְזַרְעָם, —

הֲלֹא הֵם יְלִידֵי־הָרָפָה,

וְזִכְרוֹן — בְּמַצְּבוֹת־הָאֶבֶן,

בַּגּוֹלָן וּבְבֵית־הַגִּבּוֹרִים;

צִיּוּן לְזַמְזוּמִים וְאֵימִים —

כֹּחַ לֹא אֱנוֹשׁ בִּזְרוֹעָם,

לְהַעֲלוֹת סֶלַע עַל סֶלַע

וּלְהָקִים שֻׁלְחֲנוֹת־אַבִּירִים,

מַצֵּבוֹת לֹא יָדְעוּ בַּרְזֶל,

קוֹמַת אַרְבָּעָה — קוֹמָתָן;

וְנִטְלָן כְּנֵטֶל הַקְּבָרוֹת

לְרַעַמְסֵס בְּאֶרֶץ־מִצְרָיִם.