לוּ מִשְׁאָלִי / יַעֲשֶׂה לִּי אֵלִי
וְיַמְשֵׁנִי / מִתְּהוֹם נַחֲלָתִי / אֶל נַחֲלָתִי!
מָתַי צֹרִי / יִשְׁלְחָה לִי צוּרִי
עַל יַד צִירִי / לַחֲבוֹשׁ אֶת צִירִי?
וּפְנֵי צָרִי / אֲשֶׁר סָבִיב צָרִי
יָשִׂים כִּבְלִי / כִּי הִכְבִּיד כַּבְלִי
כִּי שָׂמַנִי / מִבְּלִי תַאֲוָתִי / גַּם תַּאֲוָתִי.
שָׁמֵם מִבְצָר / בִּידֵי יְלִיד נִבְצָר
וּפְנֵי הַצָּר / נֶחְשְׁבוּ לִי כַּצָּר
עַד כִּי קָצַר / יָד וּמַצָּע קָצַר
וַיּוֹר כִּסְלִי / אַךְ עֲלֵי אֵל כִּסְלִי
לַהֲרִימֵנִי / מִבּוֹר דַּלּוּתִי / חִישׁ לְדַלּוֹתִי.
הִנֵּה אֵילַי / סָפוּ כִּי אֵילַי
יָבְשׁוּ. וְאֵילַי / שָׁמְמוּ כִּי אֵלַי
צָפוּ וְאֵילַי / יִקְרְאוּ נָא, אוּלַי
יָשִׁיב חֵילִי / אֶל הֲדוֹמִי וְחֵלִי
וְיַנִּיחֵנִי / לַעֲרוֹךְ זִמְרָתִי / עַל זִמְרָתִי.
בִּידֵי דוּמָה / יָרַדְתִּי דוּמָה
הַשְׁקוּ חֵמָה / לִי תַחַת חֵימָה
וַאֲנִי חוֹמָה / …רעית חוֹמָה
מִבּוֹר חֵילִי / אֶצְעֲקָה אֶל חֵילִי
לְנַהֲלֵנִי / וְלִגְאוֹל אַדְמָתִי.