אֶרְאֶה שְׁעַר רֹאשֵׁךְ, אֲשֶׁר אוֹרוֹ / הֶחְשִׁיךְ זְהַב אוֹפִיר וְגַם פַּרְוַיִם
שֶׁמֶשׁ וְיָרֵחַ כְּפוּפֵי רֹאשׁ / הָלְכוּ לְהִתְחַבְּאוֹת בְּעִמְקֵי מָיִם
כִּימָה וְעָשׁ וּכְסִיל הֲכִי אָסְפוּ נָגְהָם, / וְלֹא נִרְאוּ בְּחוּג שָׁמַיִם
כָּל כּוֹכְבֵי מָרוֹם לְבוּשׁ קַדְרוּת / לָבְשׁוּ וְלֹא נִרְאוּ בְחַלּוֹנִים
כָּל יוֹשְׁבֵי תֵבֵל בְּאוֹר גָּדוֹל / הָיוּ וְגַם נִתְפַּתְּחוּ עֵינָיִם
לֹא שָׁמְעוּ כָזֹאת וְלֹא רָאוּ / לַיְלָה בְּיוֹם הֵאִיר בְּעֵת צָהֳרָיִם.
אֶרְאֶה אֲנִי רוֹאוֹת אֲשֶׁר חָשְׁכוּ / אוֹרוּ בְהִלָּם עַד רְאוֹת כִּפְלָיִם
רָאוּ הֲדַר שַׂעְרֵךְ בְּנוֹת הַחֵן / בָּרְחוּ לְהִתְחַבֹּאת בְּתוֹךְ כִּירָיִם
אֶרְאֶה לְבַב חֹשְׁקִים אֲשֶׁר נֹהֵם / לָהֶם כְּנַהְמַת יָם כְּאֹר מִצְרַיִם
שָׁפְכוּ מְרֵרָתָם וְגַם דָּמָם / נִגַּר כְּמוֹ מַיִם בְּחוּצוֹתָיִם
אֶרְאֶה אֲנִי עֶרְכֵּךְ אֲשֶׁר יָקָר / עֶרְכִּי מְאֹד נִגְרַע בְּכַף מֹאזְנָיִם
כַּסִּי כְּלִילַת חֵן שְׂעַר רֹאשֵׁךְ / כִּי תִקְטְלִי הַיְקוּם בְּלִי יָדָיִם
טִבְעָם בְּכָל-תֵּבֵל הֲכִי יָצָא / עַל כֵּן לְשִׁמְעָם צָלְלוּ אָזְנָיִם
חָלוּשׁ וְרַךְ מִשַּׂעֲרוֹת רֹאשֵׁךְ / יָכוֹל עֲקֹר הָרִים וְיַרְכָתָיִם
מַה-יַעֲשֶׂה אִישׁ רָשׁ בְּעֵת כֻּלָּם / מִתְחַזְּקִים נֶגְדּוֹ בְּרִבּוֹתָיִם?
בִּי, יַעֲלַת הַחֵן, עֲלֵי נַפְשִׁי / חוּסִי, לְבַל אָמוּת בְּלִי יוֹמָיִם
וּתְשַׁלְּמִי דָמִי אֲשֶׁר יֻקַּם / מִמֵּךְ כְּדַם קַיִן לְשִׁבְעָתָיִם
עֶבֶד אֲנִי נִרְצַע וְנִמְכַּר לָךְ / וּלְנָעֳמֵךְ מִשְׁתַּחֲוֶה אַפָּיִם
אֶת-פִּי לְמַלְקוֹשֵׁךְ אֲנִי פוֹעֵר / בֹּקֶר אֲקַו חַסְדֵּךְ עֲדֵי עַרְבָּיִם.