חָכְמַת הַמִּסְכֵּן בְּעֵת פְּקֻדָּה / טוֹבָה מִכָּל כְּלִי חֶמְדָּה

תַּרְנְגוֹל אָמַר לְתַרְנְגֹלֶת / אֵין עוֹד חִטָּה וְשִׁבֹּלֶת / וּמַדּוּעַ מִתְעַצְּלִים אֲנַחְנוּ / וְרָעָב בָּעִיר וָמָתְנוּ / נֵלֵךְ וְנָלִין בַּכְּפָרִים / כִּי לְאָחִי גֹרֶן שְׂעוֹרִים / וְנֵשֵׁב שָׁם שָׁנָה תְמִימָה / סְבִיב הַגֹּרֶן וְהָעֲרֵמָה / וַיֵּצְאוּ שְׁנֵיהֶם יַחַד / לָלֶכֶת מַהֲלַךְ יוֹם אֶחָד / עַד אֲשֶׁר בָּאוּ הָעִירָה / אֶרֶץ חִטָּה וּשְׂעֹרָה / שָׁמָּה הַתַּרְנְגֹלֶת קִנְנָה / בְּטֶרֶם אַחֲרִית הַשָּׁנָה / אֶפְרֹחִים בִּדְמוּתָהּ כְּצַלְמָהּ / הַבְּרִיאִים שִׁבְעָה הֵמָּה / מִלְּבַד תַּרְנְגֹלֶת קְטַנָּה אֲשֶׁר חָלְתָה / וּבְעֵת קָרְאָה אַחֲרֵי עֲדָתָהּ / הַדָּגָן בְּרַגְלֵיהֶם כָּמוֹהָ גִלּוּ / חֵלֶק כְּחֵלֶק יֹאכֵלוּ / וַתְּהִי לָהֶם הָרְוָחָה / אֵם הַבָּנִים שְׂמֵחָה / וּבְבֹא עֵת קָצִיר אָמְרוּ / לָשׁוּב לַמָּקוֹם אֲשֶׁר בּוֹ גָרוּ / וַיֹּאמֶר הַתַּרְנְגֹל: הַאֲזִינוּ / לֹא נָשׁוּב רֵיקָם אֶל עַמֵּנוּ / פֶּן נִהְיֶה בְעֵינֵיהֶם לְלַעַב / כַּאֲשֶׁר בָּנוּ מִמְּקוֹם רָעָב / עַל מַאֲמָרִי שִׂמְחוּ וְשִׂישׂוּ / מִמֶּנִּי תִרְאוּ וְכֵן תַּעֲשׂוּ / כָּל אֶחָד וְאֶחָד יִשָּׂא בְּפִיו שִׁבֹּלֶת / תַּרְנְגֹל אֶפְרֹחַ וְתַרְנְגֹלֶת / עַד אֲשֶׁר בִּמְקוֹם חִטָּה תָּבוֹאוּ / וְיָשָׁן מִפְּנֵי חָדָשׁ תּוֹצִיאוּ / וַתֹּאמֶר הַתַּרְנְגֹלֶת: עֲצָתְךָ טוֹבָה וּנְכוֹנָה / תֶּן חֵלֶק לְשִׁבְעָה וְגַם לִשְׁמוֹנָה / כָּל אֶחָד בְּפִיו שִׁבֹּלֶת נָשָׂא / הַשְּׁמִינִי לֹא יָכֹל מַשָּׂא / לָשֵׂאת כִּי הָיָה חֹלֶה / וַתִּקְרֶאנָה אֹתוֹ כָּאַלֶּה / כִּי הָלְכוּ דֶרֶךְ הָעֲרָבָה / וְחֶבְרָתָם מְאֹד עָרְבָה / שֻׁעָל בְּסִבְכֵי יַעַר נֶחְבָּא / וַיַּרְא אֶת כָּל הֶהָמוֹן בָּא / וַיִּתְבּוֹנֵן הַתַּרְנְגֹל כִּי לוֹ / נוֹשֵׂא עַיִן וּלְכָל חֵילוֹ / וַיֹּאמַר: פַּלָּצוּת בִּעֲתַתְנִי וְלִבִּי תָּעָה / אֻמְלָלָה יֹלֶדֶת הַשִּׁבְעָה / כִּי מִן הָאֹרֵב הַלָּז יְבַהֲלוּנִי רַעְיוֹנִים / פֶּן יָבֹא וְהִכַּנִי אֵם עַל בָּנִים / אַךְ סוֹד נַעֲרִים לְהִמָּלֵט / פֶּן יִהְיֶה עָלֵינוּ שֹׁלֵט / כַּאֲשֶׁר שָׁלַט עַל אֲבוֹתֵינוּ / כִּי מִתְאַנֶּה תָמִיד לָנוּ / עוֹד זֶה מְדַבֵּר וְזֶה בָּא / הָאֹרֵב אֲשֶׁר שָׁם נֶחְבָּא / וַיֵּלֶךְ לִקְרַאת הַחֹלֶה / וַיֹּאמַר: לְמִי אֵלֶּה / וּמָה הֵם בְּפִיהֶם מְבִיאִים / וַיַּעַן: זַנְבוֹת שֻׁעָלִים הֵם נֹשְׂאִים / אֲשֶׁר בְּכֹחָם מִן הַשֻּׁעָלִים לָקָטוּ / וְעוֹרָם מֵעֲלֵיהֶם הִפְשִׁיטוּ / וַיֹּאמֶר הַשֻּׁעָל: אַחֲרֵי אֲשֶׁר כָּזֹאת מַעֲשֵׂיהֶם / לָמָּה אֵין בְּפִיךָ כְּמוֹ בְּפִיהֶם / וַיַּעַן לוֹ: עַל כֵּן יָצָאתָ לִקְרָאתִי / כִּי אֶת זְנָבְךָ צִפִּיתִי / לֹא תָשׁוּב עוֹד אֶל אֹהָלֶיךָ / גּוֹרָלִי אַפִּיל עָלֶיךָ / כִּשְׁמֹעַ זֶה הַשֻּׁעָל בָּרַח / כַּאֲשֶׁר יָרוּץ הַגִּבּוֹר אֹרַח.

וְהַמָּשָׁל בְּאִישׁ אֲשֶׁר מַדָּיו קְרוּעִים / וּדְבָרָיו אֵינָם נִשְׁמָעִים / וּבַעֲדַת עֲשִׁירִים לְלַעַג נִהְיָה / וְחָכְמַת הַמִּסְכֵּן בְּזוּיָה / מִפִּיו תֵּצֵא חָכְמָה בְּעֵת פְּקֻדָּה / טוֹבָה מִכָּל כְּלִי חֶמְדָּה.