טוֹב בְּמֶתֶק שְׂפָתַיִם לְפַתּוֹת / לְמַעַן הָסִיר גַּחֲלֵי אֵיבָה מֵחֲתוֹת

לַיִשׁ גִּבּוֹר בַּבְּהֵמָה / וּסְבִיבוֹת שִׁנָּיו אֵימָה / הֵבִיא בַצֹּאן אַלְמוֹן וּשְׁכֹל / וְלֹא יָשׁוּב מִפְּנֵי כֹל / צָפוֹן וְיָמִין יִלָּחֵם / אַכְזָרִי הוּא וְלֹא יְרַחֵם / וְגַם כִּי נָסוּ מִפָּנָיו / הִבְהִילָם בְּחֶרְדַּת שְׁאוֹנָיו / וּבַעֲלֵי חִצִּים יִשְׂטְמוּהוּ / וַיּוֹרוּ לוֹ וַיְמָרֲרוּהוּ / פַּעַם בְּבִטְנוֹ פַּעַם בְּגַבּוֹ / יָדוֹ בַּכֹּל וְיַד כֹּל בּוֹ / עַל כָּל הוֹלְכֵי אַרְבַּע לֹא חָמַל / רַק עַל הַצְּבִי וְהַגָּמָל / וַיְקַלֲלוּהוּ כָּל הַבְּהֵמוֹת / קְלָלוֹת נִמְרָצוֹת בִּמְהוּמוֹת / כַּאֲשֶׁר מִפָּנָיו חֻבָּאוּ / וּבְנִקְרַת הַצּוּר בָּאוּ / וּצְבִי וְגָמָל חֲבֵרָיו / לֹא רָחֲקוּ מֵאֶרֶץ מְגוּרָיו / וְכָל אֶחָד מֵטִיב אֶת לִבּוֹ / וּכְשָׁמְעוֹ מְקַלֵּל כִּהָה בוֹ / וְהַנִּרְדָּפִים מְקַלֲלִים וּבוֹכִים / כֻּלָּם מְקַלֲלִים וְהֵמָּה מְבָרְכִים / וַיִּקְרְאוּ לַבְּהֵמוֹת וְלַחַיּוֹת / רוֹעֵי שָׂדוֹת וְאֶרֶץ צִיּוֹת / לְבַעֲבוּר כִּי תְקַלֲלוּ אֹתוֹ / יָעִיר עֲלֵיכֶם כָּל חֲמָתוֹ / וְאִם תַּהַפְכוּ הַקְּלָלָה לִבְרָכָה / הִנֵּה מַעֲלֶה עֲלֵיכֶם אֲרוּכָה / עֲשׂוּ כָמוֹנוּ וְיִבָּחֵן / אֲשֶׁר תִּמְצְאוּ בְעֵינָיו חֵן / וְלֹא עוֹד אֶתְכֶם יַהֲלוֹם וְיִתֵּן לָכֶם אֶת בְּרִיתוֹ שָׁלוֹם / וּרְאוּ וַעֲשׂוּ כָמוֹנוּ / כִּי לֹא שָׁלַח יָד בִּשְׁלוֹמֵינוּ / וַיִּשְׁמְעוּ אֶל הָעֵצָה / וְסָמַךְ יָדוֹ וְנִרְצָה.

וְהַמָּשָׁל לְהָסִיר גַּחֲלֵי אֵיבָה מֵחֲתוֹת / לְשֹׂנְאוֹ בְּמֶתֶק סוֹד לְפַתּוֹת / כִּי מְאֹד יִסְכַּל אֲשֶׁר יִשְׁאַף / לְהָעִיר אַף כְּנֶגֶד אַף / מְחַשֵּׁב לִרְצֹחַ רָצוּחַ / נֹצֵחַ בְּרָע נָצוּחַ / וְאִם שֹׂנְאֲךָ תַּבְאִישׁ וּתְקַלֵּל / כְּבוֹדְךָ תָּמִיר וּתְחַלֵּל / רְאֵה דַּרְכֵי הַצּוּר תְּמִימִים כָּל מַעְבָּדָיו / כִּי לֹא תַמּוּ וְלֹא כָלוּ חֲסָדָיו / קִלֵּל נָחָשׁ עָפָר לַחְמוֹ / בְּכָל אֲשֶׁר יֵלֵךְ עָפָר עִמּוֹ / אִם יַעֲלֶה אוֹ יֵרֵד / מִמְּזוֹנוֹתָיו לֹא חָרֵד / קִלֵּל אִשָּׁה בִנְעוּרֶיהָ / וְהַכֹּל רָצִים אַחֲרֶיהָ / קִלֵּל אֲדָמָה אֲשֶׁר כּוֹנְנָהּ / וְהַכֹּל נִזּוֹנִים מִמֶּנָּה / קִלֵּל עֶבֶד כִּי הֵעֵז פָּנָיו / אֹכֵל וְשֹׁתֶה כְּמוֹ אֲדוֹנָיו / שְׁמַע מוּסָר תִכּוֹנֵן וְתִבָּנֶה / תֵּלֵךְ בֶּטַח וְגַם תַּחֲנֶה / וְאָמַר הֶחָכָם: אִם יַעֲלֶה לַשָּׁמַיִם שִׂיאֲךָ / וְשֹׂנְאֲךָ כָּפוּף לְךָ מִמַּחֲשָׁב רַע יַחֲטִיאֲךָ.

וָאֶשָּׂא מְשָׁלִי וָאֹמַר:

מַה תִּזְעֹם בַּעַל / לָשׁוֹן וְלֹא זַעַם

הַצּוּר, וּמִפִּיךָ / כָּל־הַיְּצוּר נִפְעָם

אָתוֹן בְּלֹא חֶרֶב / לֹא הִשְׂכִּיל בִּלְעָם

לַהְרֹג בְּפִיו הָעֵת / הָלַךְ לְקַלֵּל עָם.