[נולד באוֹרִיָּה בשנת 913, מת אחר שנת 982]
שִׁיר פְּתִיחָה לְסֵפֶר חַכְמֹנִי
שָׁלוֹם רַב מִפִּי אֵל שַׁדָּי
בְּרָכוֹת וְנֶחָמוֹת טוֹבוֹת עַד-בְּלִי-דָי
תָּבֹאנָה לְכָל-מִי שֶׁיִּכְתֹּב זֶה סֵפֶר לִמּוּדָי
יוֹשִׁיעֵהוּ אֵל אִם יִכְתְּבֵהוּ בְּשֵׁם שַׁבְּתָי
בְּלִי לִמְחוֹת שְׁמִי מִזֶּה סֵפֶר סוֹדָי
רַק לִכְתֹּב שְׁמִי בֶּן-יְדִידָי
אָז יֵחָשֵׁב לוֹ כִּנְתִינַת מַשְׂכֻּרְתִּי בְּוַדָּאי
בִּין יָבִין יְגִיעִי שֶׁיָּגַעְתִּי בְּכָל-מְאוֹדָי
רִשְׁמֵי חָכְמָתִי לְלַמֵּד לֹא חַסְתִּי בְמַחֲמַדָּי
הַאֻמְנָם עַל-זֶה רָאוּי הַלּוֹחֵם בְּלֶחֶם חֲמוּדָי
מַאֲמַר פִּי לְקַיֵּם וְלִכְתֹּב בִּכְתַב יָדָי
חֶסֶד יַעֲשֶׂה מִלְּהַבְזוֹת לְהִתְלַמֵּד מִשְּׁמִי שֶׁקְּרָאוּנִי יוֹלְדָי
זָכֹר יִזְכֹּר הַכָּתוּב הִשְׂכַּלְתִּי מִכָּל-מְלַמְּדָי
קִנְאָה יַרְחִיק מִלִּבּוֹ מִלְּשַׁלֵּם רָעָה תַּחַת חֲסָדָי.
הוּא הֶחָפֵץ לִשָּׂא בְרָכָה מֵאֵת יְיָ
וּצְדָקָה מֵאֱלֹהֵי יִשְׁעִי כִּדְבַר חִנּוּנָי
אָזֹן יַאֲזִין לִכְתֹּב תְּחִלָּה חֲרוּזַי וְתִקּוּנָי
דִּבְרֵי הַסֵּפֶר וְחָכְמוֹתָיו בָּאַחֲרוֹנָה לִכְתֹּב כְּעִנְיָנָי
וְעַל-זֶה הֲעִירוֹתִי בַּחֲפֵצִים לִרְשֹׁם סֵפֶר הֶגְיוֹנָי
נְאֻמַּי אִם לֹא יְקַיְּמוּ שׂוֹפֵט צֶדֶק יָדִין דִּינָי
וְיִנְקֹם נִקְמָתִי מֵהֶם אֵל נְקָמוֹת יְיָ
לֹא יֹאבֶה יְיָ סְלֹחַ לָהֶם עַל-עֶלְבּוֹנָי
וְחָכְמָתָם יָשִׁיב לְאָחוֹר מִלְּהָבִין בְּסוֹד יְיָ
הוֹדָם וַהֲדָרָם יַשְׁפִּיל בִּגְזֵרַת יְיָ
נִיב שִׂפְתוֹתֵיהֶם לֹא יִתְקַיֵּם בֵּין-עַם יְיָ
וְיִמָּחוּ מֵאֶרֶץ חַיִּים אִם יִמְחוּ פִּיּוּטֵי זִכְרוֹנָי
לִבְאֵר שַׁחַת יֵרְדוּ חַיִּים כַּנִּצָּבִים עַל-עַם יְיָ
דְּבָרַי אֵלֶּה אִם יִמְאֲסוּ מִלְּכָתְבָם בְּסֵדֶר שִׁנּוּנָי
מָאֹס יִמְאֲסֵם אֱלֹהַי אִם לֹא יָחוּסוּ לְבִזְיוֹנָי
אַךְ בְּכָל-זֹאת בַּיְיָ אֱלֹהַי שַׁמְתִּי בִטְחוֹנָי
וְהוּא יְשָׁלֵּם שְׂכַר יְגִיעִי שֶׁיָּגַעְתִּי רֹב שָׁנָי
רֵאשִׁית חָכְמָה סוֹדָם לְפַעֲנֵחַ לִירֵאֵי יְיָ
סוֹדוֹת סְפָרִים סְתוּמִים חֲתוּמִים וַעֲמוּקִים לְפָרֵשׁ יוֹתֵר מִקַּדְמוֹנָי
חֲסָדָיו הַנֶּאֱמָנִים יְנַחֲמוּנִי מִכָּל-אַנְחוֹתַי וִיגוֹנָי
זֵכֶר יָד וְשֵׁם טוֹב יִתֶּן-לִי בְּבֵיתוֹ וּבִקְהַל יְיָ
קִנְיַן רֵאשִׁית דַּרְכּוֹ יַנְחִיל לְבָנַי וְלִבְנֵי בָנָי.