לוגו
[אָבוֹא הַיּוֹם בִּתְפִלָּה אֶל־מִקְדְּשֵׁי אֵל (סליחה)]
פרק:
מיקום ביצירה:
0%
X
F
U

[מרומא, חי באמצע המאה הי"ג]


סְלִיחָה לְתַעֲנִית צִבּוּר


אָבוֹא הַיּוֹם בִּתְפִלָּה אֶל-מִקְדְּשֵׁי אֵל

בְּךָ בָּטְחוּ אֲבוֹתֵינוּ יְהוּדָה וְיִשְׂרָאֵל

רַבִּים קָמִים עָלַי מְמִירֵי אֵל

וְאוּלָם אֲנִי אֶדְרשׁ אֶל-אֵל.


הַיּוֹם בְּיוֹם סְלִיחָתִי בָּאתִי בְתַחַן לְפָנֶיךָ

מְחֵה פִשְׁעִי וְחוֹבִי כִּי-בָאתִי לְחַלּוֹת פָּנֶיךָ

חַזְּקֵנִי וְאַמְּצֵנִי וְקָרְבֵנִי בִתְשׁוּבָה לְפָנֶיךָ

תִּכּוֹן תְּפִלָּתִי קְטֹרֶת לְפָנֶיךָ.


בּוֹחֵן כְּלָיוֹת וָלֵב מַהֵר עֲנֵנִי

רַחוּם בִּתְפִלָּתִי רֵיקָם אַל-תְּשִׁיבֵנִי

יָהּ לְמַעַנְךָ כַּפֵּר אַשְׁמָתִי וְאַל-תַּאֲשִׁימֵנִי

יְיָ הוֹשִׁיעֵנִי.


וְתַצִּיל עַמְּךָ מִיַּד צָרִים כִּי רַבִּים צָרָי

אָהֳלִי שֻׁדַּד וְכִמְעַט כִּי נִתְּקוּ מֵיתָרָי

בֵּין כָּל-אֻמָּה וְלָשׁוֹן נָפֹצוּ שְׁאֵרָי

בְּתוּלֹתַי וּבַחוּרַי.


כִּמְעַט נָטָיוּ לַמּוֹט רַגְלֵי אֶבְיוֹנָי

לוּלֵי תַּנְחוּמוֹת נְבִיאֵי חֶזְיוֹנָי

כִּי נָמוּ צָרַי מִבִּלְתִּי יְכֹלֶת יְיָ

וְעַתָּה יִגְדַּל-נָא כֹּחַ יְיָ.


קָרוֹב לְקוֹרְאֶיךָ הַטֵּה אֹזֶן וְשִׁמְעָה אֵלָי

צָעַקְתִּי אֵלֶיךָ מֵחַדְרֵי לְבָבִי שְׂבֹר מִלּוּלָי

וּפְצֵנִי וְהַצִּילֵנִי כִּי חָשְׁבוּ לִדְחוֹת מַעְגָּלָי

וְעֵינַי תָּמִיד אֶל-יְיָ.


סִתְרִי וּמָגִנִּי אַתָּה הוּא אֱלֹהֵי תּוֹחַלְתִּי

וְהַקְשֵׁב לְקוֹלִי בְקָרְאִי כִּי לְךָ יְיָ הוֹחָלְתִּי

בְּיוֹם עִנּוּיִי כַּפֵּר אַשְׁמָתִי וְתַרְבֶּה מְחִילָתִי

כִּי לִדְבָרְךָ יִחָלְתִּי.


קָרְבֵנוּ לִישׁוּעָתְךָ מָלֵא רַחֲמִים

וּזְכָר-לָנוּ אַהֲבַת שְׁלשֶׁת קְדוּמִים

וּתְשִׁיבֵנוּ בְּבִנְין שָׁלֵם בְּנִחוּמִים

אֵל מֶלֶךְ יוֹשֵׁב עַל-כִּסֵּא רַחֲמִים.