בְּהַשְׁגִּיחָךְ פְּנֵי דָבָר וְתַחְקוֹר
אֲשֶׁר יֶשׁ-בּוֹ הֲרוֹג אֵת תַּאֲוָתָךְ
[וְאִם] שִׂכְלָךְ יְהִי מֵעִם לְבָבָךְ
אֲזַי תַּשְׂכִּיל וְתִמְעַט מַעֲוָתָךְ
וְתִצְלַח בַּעֲבוֹדַת הַמְּלָכִים
בְּלַבְּשָׁךְ שִׂכְלְךָ כִּלְבוּשׁ כְּסוּתָךְ
וְאַל תִּדְאַג בְּעֵת לֹא יִתְּנוּ לָךְ
פְּרִי רַב עַל-דְּבָרָךְ וַעֲשׂוֹתָךְ
וְאִם שִׂכְלָךְ יְהִי לֹא מִלְּבָבָךְ
תְּהִי כוֹשֵׁל לְעוֹלָם בַּחֲטָאתָךְ
[וְתַ]חְמוֹד יוֹעֲצֵי מַלְכָּךְ לְמַעַן
תְּהִי תַחַת מְקוֹמָם מַעֲלָתָךְ
וְתִזָּעֵף וְתֵעָצֵב בְּנָשְׂאוֹ
אֲשֶׁר לֹא יַעֲשׂוּ עָוֶל כְּמוֹתָךְ
וְאִם עַל-זֹאת תְּקַלֵּל מַלְכְּךָ אָז
יְהִי כוֹעֵס וְתִתְבַּשֵּׂר בְּמוֹתָךְ.