ואומר במה / ר' שמואל הנגיד
וְאוֹמֵר בְּמַה-יִּהְיֶה בְּטוֹב אִישׁ יְמֵי חַיָּיו
עֲנִיתִיו בְּהַמְעִיט מִשְּׁבוֹת לֵב וְאֵין בִּינָה
וּבַמֶּה יְהִי בָרַע אֱנוֹשׁ כָּל-יְמֵי הֶבְלוֹ
עֲנִיתִיו בְּאִשָּׁה בַּעֲלַת רִיב וְנִרְגָּנָה
וּמַה-זֶּה אֲשֶׁר יִכְשַׁר עֲשׂוֹתוֹ בְּיֶתֶר הוֹן
עֲלֵי-דַי הֲשִׁיבוֹתִיו לְתִתּוֹ בְּמַתָּנָה
וּמַה-טּוֹב הֲרֹב מִשְּׁוְא וְאִם הַמְעַט עִם תֹּם
עֲנִיתִיו מְעַט הַבָּא בְּישֶׁר וּבִנְכוֹנָה.