יְדִידַי סַמְּכוּנִי בָּאֲשִׁישׁוֹת

מְלֵאוֹת פָּז יְסוּדָתוֹ זְמוֹרָה

מְלֵאוֹת פָּז אֲשֶׁר נָמֵס וְהָיָה

לְמַיִם אֻדְּמוּ אַחַר בְּצִירָה

אֲהַבְתִּיו בַּעֲבוּר יֵיטִיב לְבָבִי

וְאוֹסִיף תֵּת בְּיָדִי הָעֲשִׁירָה

וְכִי שַׂמְתִּיו רְפוּאָתִי לְעָצְבִּי

בְּמַר נַפְשִׁי וְרַוְחָתִי בְּצָרָה

וְלֹא אֶשְׁתֶּה כְּמוֹ פֶתִי לְשָׁכְרָה

אֲבָל אֶשְׁתֶּה רְוָיָה בַּמְּשׂוּרָה

וְלֹא אֶשְׁתֶּה שְׁתֹה בִִּטּוּל מְלָאכָה

וְלֹא אֶשְׁתֶּה שְׁתֹה הַנַּח סְחוֹרָה

וְלֹא אוֹבִיד בְּיֵינִי אֶת־נְכָסַי

וְלֹא אַתְעִיב לְנַפְשִׁי הַיְקָרָה

וְלֹא אֶשְׁבֹּר כְּלֵי מִשְׁתֶּה בְּמִשְׁתֶּה

וְלֹא אֶקְצֹף בְּחָבֵר בַּחֲבוּרָה

וְלֹא אֶהְיֶה כְּמוֹ נֹחַ בְּיוֹם חָם

וְלוֹט בִּדְבַר בְּכִירָה אֶת־צְעִירָה

בְּשִׁבְתִּי בִמְסִבָּה אוֹהֲבַי לִי

לְשִׁירָה וַאֲנִי לָהֶם לְשִׁירָה

וְאֵאָכֵל וְאֶשָּׁתֶה בְּמִשְׁתֶּה

כְּאִלּוּ מִדְּבַשׁ נַפְשִׁי יְצוּרָה

וְכָל־מִלָּה עֲלֵי־יֵינִי אֲמוּרָה

בְּלִי־דַעַת וְדַעַת שֶׁבִּי קְבוּרָה

כְּמוֹ זֹאת תַּעֲשֶׂה אָחִי…

וְלֹא יִהְיֶה לְךָ יַיִן לְזָרָא

וְכִי יֵלֵךְ בְּמֵישָׁרִים בְּכוֹסוֹ

תְּהִי לָךְ נַפְשְׁךָ יוֹתֵר יְקָרָה

וּמִי יִשְׁתֶּה וְלֹא נָהַג כְּמוֹ זֹאת

שְׁתִיָּתוֹ כְדָם עָלָיו אֲסוּרָה.