Efraim Luzzatto

[נולד בסַן דָּנִיאָלַי בפלך פְֿרִיּוּלִי בשנת 1727, חי בלוֹנְדוֹן ומת בלוֹזַנָּה (שויצריה) בשנת 1792]

הַחֵשֶׁק הַשַּׁלִּיט בִּלְבַב כָּל־נָעַר

זָמַם אַף־הִשְׂתָּרֵר עַל־אִישׁ טוֹב טָעַם

וַיַּעַט כַּשַּׂלְמָה קִנְאָה וָזָעַם

עַלֽ־שׁוּב חַרְבּוֹ רֵיקָם אֶל־תּוֹךְ הַתַּעַר.

פִּתְאֹם עוֹד הִתְאַזָּר מִתּוֹךְ הַסָּעַר

וַיֵּט יָדוֹ שֵׁנִית בִּגְבוּרוֹת רָעַם

חִצָּיו יָרָה מֵעֵין שָׂרָה הַפָּעַם

וּכְרֶגַע זִיקוֹתָיו הֵקִיץ וַיָּעַר.

הָהּ בִּרְעָדָה וָגִיל לִקְרַאת הָעֶצֶב

כִּרְעוּ עַל־בִּרְכֵיהֶם כָּל־אַנְשֵׁי שָׁחַץ

וּשְׂאוּ עֻזּוֹ עַל־כָּל־מִדָּה וָקֶצֶב.

כִּי אִם אֶת־לֵב יוֹסֵף שִׁסַּע וַיַּחַץ

רוֹפֵא לִשְׁבוּרֵי לֵב וּמְחַבֵּשׁ עֶצֶב

מִי זֶה בָכֶם יַצִּיל נַפְשׁוֹ מִמַּחַץ.