Isac Vita Mussati
[נולד באַנְקוֹנָה בשנת 1710, בשנת 1806 היה עוד בחיים]
– – – – – ͝ – – – – – – – ͝ – –
בָּנִיתִי גַּם הֲכִינוֹתִי בַיִת זֶה לְבָנָי
אַךְ בִּנְיָנוֹ בְעִיר זָרִים הֵמִיר אֶת־רְצוֹנִי
כִּי עַל־כָּל הַשְּׂמָחוֹת וּלְטוֹב כָּל־מַעֲדַנָּי
אִם אֶשְׁכָּחֵךְ יְרוּשָׁלַםִ תִּשְׁכַּח יְמִינִי.
סַדְתִּי הַסִּיד סְבִיבוֹת פֹּה מִנֶּגֶד לְעֵינָי
עַל־זֵכֶר שֹׁמֲמוּתַיִךְ חָרְבַּן בֵּית מְעוֹנִי
גַּם־כִּי קִיר מֻֽזְהָב הִנֶּנוּ לִפְנִים וְלִפְנָי
אִם לֹא אֶזְכֹּר שְׁמֵךְ תִּדְבַּק אֶל־חִכִּי לְשׁוֹנִי.
אֶשָּׂא נַפְשִׁי לְךָ אָבִי עִם־קוֹל תַּחֲנוּנָי
הַרְאֵנִי לָהּ בְּבִנְיָנָהּ שֶׁאָנִי מְצַפֶּה
הַשְׁמֵד כָּל־לוֹחֲצִים קָמִים עָלֶיהָ לְרָעָה.
אָנָּא אַל־נָא תְכַבֶּה אֶת־נֵר עַם נֶאֱמָנָי
הַנֶּחְשָׁךְ מִבְּלִי בָנוּ עוֹד נָבִיא וְצוֹפֶה
וּשְׁלַח לָנוּ מְבַשֵּׂר טוֹב מַשְׁמִיעַ יְשׁוּעָה.