בכתב אשר שלח להיקר ששון יחזקאל
סימן: אני צאלח
אַחַי רְאוּ מִשְׁלִי וְנִאוּמוֹ / אֲשֶׁר חֻבַּר לְאִישׁ דַּבָּר בְּעַמּוֹ
נֶפֶשׁ וְגוּף יַחַד מְדֻבָּקִים / גְּוִיָּה חוּץ וְנֶפֶשׁ הִיא פְנִימוֹ
יִתְפָּרְדוּ – הַגּוּף הֲלֹא יִדְמֶה / לְצֶלֶם אִישׁ אֲשֶׁר אֻמָּן רְקָמוֹ
צִיר וַחֲבָלִים יֹאחֲזוּהוּ עַד / אֲשֶׁר יִפּוֹל וְאֵין מִי לַהֲקִימוֹ
אַךְ הַנְּשָׁמָה תַעֲמֹד חַיָּה / בְּחַיָּתָהּ בְּבֵית אֵל וַהֲדוֹמוֹ
לִי כֵן קְרָאַנִי בְעֵת הֵכִין / שְׂשׂוֹן לִבִּי לְדֶרֶךְ אֶת פְּעָמוֹ
חֹסֶן יְשׁוּעָתִי וְנִשְׁמָתִי / בְּעָזְבוֹ אֶת יְדִיד דּוֹרֵשׁ שְׁלוֹמוֹ
נִשְׁאַר בְּחֶרְדַּת לֵב כְּאִישׁ לֹא יַ/עֲשֶׂה רַגְלָיו וְלֹא עָשָׂה שְׂפָמוֹ
חַכְמֵי בְנֵי פָרָס וּמָדַי גַּם / בְּנֵי אַשּׁוּר לְכוּ לַחְמוּ בְלַחְמוֹ
יַחַד רְדוּ נֹפֶת מְלִיצַת פִּיו / לְחֵיךְ יִנְעַם דְּבַשׁ שִכְלוֹ וְטַעְמוֹ
בָּרוּךְ אֲשֶׁר כָּךְ לוֹ בְּעוֹלָמוֹ / עֲלֵי אַרְצוֹ וְהוּא יוֹשֵׁב בְּרוּמוֹ.