סימן: צאלח. מנגינה: חוסיני.

צוּר יְשׁוּעָתִי עֲנֵנִי יָהּ עֲנֵנִי

קַבֵּץ עֲדָתִי מִיַּד אוֹיְבַי פְּדֵנִי

שׁוּר כִּי לְמִרְמָס שָׂמַנִי

וּלְאַרְבַּע רוּחוֹת זָרַנִי

חִישׁ קַבֵּץ אוֹתִי מִגָּלוּתִי וּתְנַהֲלֵנִי.

אֵיךְ נְגִיד עַמָּךְ אֶת בְּרִיתוֹ הֵפַרְתָּ

אֵיךְ עָנִי וָמָךְ אֶת כָּל אוֹיְבָיו הִשְׂמַחְתָּ

עִם מְשִׁיחָךְ הִתְעַבַּרְתָּ

כִּסְאוֹ לָאָרֶץ מִגַּרְתָּ

אַתָּה נָאַמְתָּ ״אָבִי אָתָּה הוּא יִקְרָאֵנִי״.

לִי עָנָה דוֹדִי רַחֵם אֲרַחֲמֶנּוּ

לְדָוִד עַבְדִּי בִישׁוּעָתִי אַרְאֶנּוּ

זְרוֹעִי תְאַמְּצֶנּוּ

בֶּן עַוְלָה לֹא יְעַנֶּנּוּ

אֶשְׁמֹר לוֹ חַסְדִּי יֵשֵׁב נֶגְדִּי וִיהַלְלֵנִי.

חֲמֹל וְרַחֵם עַל יִשְׂרָאֵל עַמֶּךָ

לְעִירָם הַנְחֵם וְיַסֵּד הֵיכָלֶךָ

וּלְשׁוֹנִי תֶּהְגֶּה צִדְקֶךָ

כָּל הַיּוֹם תְּהִלָּתֶךָ

אָז לְבֶן יִשַׁי יוֹבִילוּ שַׁי וְהוּא יִרְעֵנִי.