¹

1    🔗

גַּן אֱלֹהִים הָאָרֶץ אֲשֶׁר לִבְנֵי עֵבֶר,

עֵץ הַחַיִּים הָיְתָה בוֹ שָׂפָה הָעִבְרִיָּה;

וּמֵאָז כִּי גָלוּ הָעִבְרִים אֶל כָּל עֵבֶר,

חָדְלָה גַם הִיא מִהְיוֹת עֲנֵפָה וּפוֹרִיָּה;

וַיְקַנְאוּ לָהּ אָז זִקְנֵי הָעָם כִּי יָדָעוּ,

כִּי מַטַּע אֱלֹהִים הִיא הַנְּבִיאִים נָטָעוּ.

2    🔗

וַיִּקְחוּ מִפִּרְיָהּ וּבִכְלֵי קֹדֶשׁ שָׂמוּ,

וּלְדוֹרוֹת אַחֲרֵימוֹ הִנִּיחוּהוּ מִשְׁמֶרֶת;

עַד בּוֹא דּוֹר הָאַחֲרוֹן רָאוּ וַיִּשְׁתּוֹמָמוּ,

כִּי בִפְרִי עֵץ חַיֵּיהֶם שֻׁלְּחָה הַמִּגְעֶרֶת;

וַיִּתְחַזְּקוּ בֵאלֹהִים לָטַעַת פִּרְיָמוֹ,

אִישׁ אִישׁ בַּאֲשֶׁר יִתְגּוֹרָר וּבְאֶרֶץ לֹא לָמוֹ.

3    🔗

זָכְרוּ כִּי שָׂפָה זֹאת אֵם כָּל שָׂפָה בָאָרֶץ,

וּשְׁאֵרִית כָּל קֹדֶשׁ וִיקָר לִישֻׁרוּן סֶלָה;

וּבְנוֹתֶיהָ כֻלָּנָה מִהֲרוּ לִפְרוֹץ פָּרֶץ,

אַךְ הִיא שָׁבָה אָחוֹר אַךְ הִיא דַּרְכָּהּ אֲבֵלָה;

וּמִי זֶה לֹא יֵעוֹר וִיקַנֵּא לָעִבְרִיָּה,

אֲשֶׁר אַךְ עִבְרִי נִקְרָא וּבְלִבּוֹ תוּשִׁיָּה!

4    🔗

וַאדֹנָי אֲשֶׁר נִתַן אָז לַנְּבִיאִים אֹמֶר,

הוּא בֵרַךְ גַּם אֶת מעֲשֵׂיהֶם הֵנָּה וָהֵנָּה;

מִמְּאַסְּפֵי² זֶרַע רָב עַד נוֹטְעֵי כֶּרֶם חֶמֶד³

מִבִּכּוּרֵי תֵימָן⁴ עַד הַפְּרָחִים צָפוֹנָה;

וַיְחִי עֵץ חַיֵּינוּ כִּימֵי קֶדֶם הִפְרִיחַ,

לֹא יֶחְסַר לוֹ כֹּל כִּי אִם רוּחַ אֵל יָרִיחַ.

5    🔗

עַתָּה אַל תָּבוּז יַעֲקֹב אִמְּךָ כִּי זָקָנָה,

אִמְּךָ הָעִבְרִיָּה תִּתְחַדֵּשׁ כִּנְעוּרֶיהָ;

וּנְעָרֶיךָ נֵעוֹרוּ הַצְּפוּנִים צָפוֹנָה,

וּלְעֵין כֹּל עִטְּרָה לָמוֹ הָאֵם בִּפְרָחֶיהָ;

וַיְבָרְכוּם גַּם הָעָם כִּי לֹא עוֹד בָּם יָרִיבוּ,

כִּי אִם – אֲשֶׁר אֲבוֹתָם בַּנְּבִיאִים הִלְעִיבוּ.

6    🔗

הַנְּעוּרִים! אָמְנָם פִּרְחֵי צָפוֹן גַּם אַתֵּמָה

אַל תִּירְאוּ הַמְּרַפִּים יַד כָּל עֹשֶׂה בַקֹּדֶשׁ:

כִּי סָבִיב לַפְּרָחִים אַךְ הַקּוֹצִים הֵן הֵמָּה

אַךְ מִכְסֵה צֵל עַל יָרֵחַ בִּקְצוֹת הַחֹדֶשׁ;

וּלְמִקְדַּשׁ אֵל אֶת הַפְּרָחִים אַךְ נָא תִּשָּׂאוּ

אִם לֹא כַאֲרָזִים בַּלְּבָנוֹן לָכֶם יִשְׂגָּאוּ.

7    🔗

הִתְקַדְּשׁוּ! כִּי אֱלֹהִים מִנְחוֹתֵיכֶם יָרַח⁵,

קַדְּשׁוּ שִׂיחוֹת פִּיכֶם הֶגְיוֹן לִבְּכֶם קַדֵּשׁוּ;

מִמַּעְיָן יוֹצֵא⁶ מִבֵּית אֵל הַשְׁקוּ כָל פֶּרַח.

כִּי שָׁרְשֵׁיהֶם קֹדֶשׁ וּבִשְׂדֵי אֵל שׁוֹרֵשׁוּ;

שִׁירוּ בִכְבוֹד שַׁדַּי וּבְפֹעַל יָדָיו שִׂיחוּ,

אָז נִטְעֵי גַן הָאֵל בִּקְצוֹת תֵּבֵל יַפְרִיחוּ.