כָּל־הַקּוֹנֶה עֶבֶד עִבְרִי / קוֹנֶה אָדוֹן לוֹ בִּגְבוּלָיו
נָתַתִּי אֶל־עַבְדִי זֶרֶת / בִּקֵּשׁ אַמָּה לוֹ בִּמְשָׁלָיו
אָמַרְתִּי “סוּרָה וּשְׁבָה־פֹּה” / בִּקֵּשׁ כַּר לָשֶׁבֶת עָלָיו
אָמַרְתִּי “אָכְלָה מִצֵּידִי” / בִּקֵּשׁ לִשְׁתּוֹת עִם טוֹב מִלָּיו
אָמַרְתִּי “לִין” בִּקֵּשׁ חָצֵר / בַּרְזֶל וּנְחֹשֶׁת מִנְעָלָיו
אוֹכִילֵהוּ פַת אַשְׁקֶנּוּ / יֵין רִקְחִי בִּקֵּשׁ מָן וּשְׂלָיו
הִלְבַּשְׁתִּיהוּ אֵפוֹד וּמְעִיל / בִּקֵּשׁ רִמּוֹנִים עַל־שׁוּלָיו
לָכֵן אָרִים קוֹל כַּשּׁוֹפָר / מִטַּעַם מֶלֶךְ וּגְדֹלָיו
לִקְנוֹת עִם־הָעֶבֶד מַקֵּל / וּרְצוּעָה לִפְרִי מַעְלָלָיו.