– – ͝ – – – ͝ – – – –

זֶה־לִּי שְׁנָתַיִם אֲשֶׁר נָשָׂאתִי

בַּעַל וְעוֹדוֹ חַי וְאֵין לִי נֹעַם

יָמוּת בְּחֵץ בָּרָק וּמִקּוֹל רָעַם

אָז בֵּין בְּנוֹת הַחֵן אֱהִי שָׂרָתִי.

הַמָּֽוְתָה יוֹם יוֹם אֲנִי קָרָאתִי

כִּי נִכְסְפָה נַפְשִׁי לְשַׁנּוֹת טָעַם

לֹא אֵֽדְעָה מָה אַחֲרִית הַזָּעַם

יוּאָר וְיֹאבַד יוֹם בְּבֵיתוֹ בָאתִי.

אֶרְאֶה שְׁכֶנְתִּי בֵּין שְׁלשִׁים חֹדֶשׁ

שָׁלשׁ פְּעָמִים בַּעֲלִים קָבָרָה

כָּל־הַשְּׁכֵנוֹת אוֹֽמְרוֹת אַשְׁרֶיהָ.

הִיא חִלְּלָה אֵלִים וְשָׂרַי קֹדֶשׁ

הִיא כַלְּבִיָּא בֵּין אֲרָיוֹת גָּרָה

וּבְתוֹךְ כְּפִירִים רִבְּתָה גוּרֶיהָ.