͝ – – – ͝ – – – ͝ – –

נְדִיבֵי עָם קְרָאוּנִי לְרַפּאוֹת / צְבִיָּה חָלְתָה יָמִים שְׁמֹנָה

מְצָאתִיהָ בְּמִטַּת־שֵׁן אֲחוּזָה / בְּחַבְלֵי־בּוּץ עֲלֵי תוֹלָע אֱמֻנָה

וְאָמַרְתִּי “שְׁלוֹמוֹת לָךְ צְבִיָּה / שְׁלוֹמוֹת לָךְ בְּעֶרֶשׂ רַעֲנָנָה”

וְשָׁלַחְתִּי אֲנִי אֶת־יַד יְמִינִי / לְמַשֶּׁשׁ־בּוֹ בְּדֶפֶק יַד־יְמִינָהּ

וּמִגֹּדֶל לְבָבָהּ נָתְנָה עַל־ / יְמִינָּהּ סוּת כְּמוֹ מַטְלִית לְבָנָה

אֲזַי גָדֵל מְאֹד לִבִּי בְּעֵינַי / וְחָשַׁבְתִּי לְהָתֶל בָּהּ כְּיוֹנָה

וְעִם־חָשְׁבִי יְעָצַנִי לְבָבִי / וְשַׂמְתִּי עַל־מְקוֹם דֶּפֶק לְבֵנָה

וּמִשַּׁשְׁתִּי אֲזַי עַל־הַלְּבֵנָה / בְּמַחְתָּה הָיְתָה אֶצְלִי נְתוּנָה

וְאָמַרְתִּי "וְאֵיכָה תַּחֲרִישׁוּן / וְהָעַלְמָה מְאֹד רַב עִצְּבוֹנָהּ

לְכוּ מַהֵר קְחוּ קַרְנֵי זְאֵבִים / וּמִיץ שַׁיִשׁ וְזֹהַר הַלְּבָנָה

וְחָלָב תַּרְנְגֹלֶת בַּת־שְׁנָתָהּ / וְעֵין אָשׁוּת וּמָרַת תֹּר וְיוֹנֶה

וְקַח נֹצַת כְּנַף עֹרֵב אֲדַמְדָּם / וְצֵל הַבּוֹר וְרֵיחַ הַלְּבֹנָה

וְקַח מִן־הַצְּפַרְדֵּעַ זְנָבוֹ / וְקוֹל הַתּוֹר וְחָלָב בַּת־יְעֵנָה

וְהַרְתַּח תּוֹךְ כְּלִי דוֹנַג וּבַשֵּׁל / בְּתוֹכָם תָּאֳמֵי פִּרְדָּה שְׁמֵנָה

וְתִשְׁטָחֵם עֲלֵי־עוֹר הַנְּמָלָה / וְלָעֶרֶב חֲבֹשׁ אוֹתָם בְּבִטְנָהּ

וְאִם־מָאֵן תְּמָאֵן לַעֲשׂוֹת זֹאת / קְחוּ יַלְדָּה וּמִרְטוּ אֶת־זְקָנָהּ

וְשִׂרְפוּהָ בְמֵי יַם־סוּף לְמֻלָהּ / וְהָעַלְמָה תְּקַבֵּל אֶת־עֲשָׁנָהּ

וְקַח שַׂעְרוֹת שְׁחוֹרוֹת צָמְחוּ־לָהּ / בְּכַף יָדָהּ לְגָרֶר בָּם לְשׁוֹנָהּ

וְהִנֵּה־זֹאת חֲקַרְנוּהָ וְכֶן־הִיא / וְכָזֹאת הִיא עֲצָתִי הַנְּכוֹנָה

רְאִיתִיהָ בְּסִפְרֵי הַנְּבוֹנִים / לְמַחְלָתָהּ נְתַתִּיהָ לְמָנָה

וּמִטַּעַם אֲבֶן זֹהַר וְרָאזִי / וְאִפּוֹקְרָט וְרָאשֵׁי הַתְּבוּנָה".