לוגו
[צֹר יַעֲלָה לִבֵּךְ וְשָׁמִיר עָז]
פרק:
מיקום ביצירה:
0%
X
F
U

– – ں – – – ں – – ­­–

צֹר יַעֲלָה לִבֵּךְ וְשָׁמִיר עָז / נִיב מַחֲשָׁבֵךְ רוֹשׁ פְּתָנִים מָר

אִמְרוֹת שְׂפָתַיִךְ חֲרָבוֹת הֵם / מִפַּחֲדָם שַׂעְרַת אֱנוֹשׁ תִּסְמָר

שָׁלַחְתְּ מְדוּרַת אֵשׁ בְּעַצְמוֹתַי / מִדָּם וְעַד־בָּשָׂר וְעוֹר נִכְמָר

לִבִּי סְחַרְחַר מִפְּנֵי פַחְדֵּךְ / עֵת אֶחֱזֵךְ קִרְבִּי הֲלֹא יֶחְמָר

אִם יָם אֲנִי עָפְרָה וְאִם תַּנִּין / כִּי תִתְּנִי אֶל־צַעֲדִי מִשְׁמָר

אוֹ אִם בְּשָׂרִי עַז וְנָחוּשׁ כִּי / יוֹם יוֹם בְּלִבִּי תִתְקָעִי מַסְמָר

חוּשִׁי לְעֶזְרָה יַעֲלָה עַל־מָה / דִּין אוֹהֲבֵךְ אֶל־מָוְתָה נִגְמָר

כִּי כָל־זְמָמָיו עֻלְּפוּ שָׁכְבוּ / יַחְדָּו לְרַגְלַיִךְ כְּתוֹא מִכְמָר.