– – ں – – – ں – – ­­– ں – / – – ں – – – ں – – – –

אִם הֶעֱלֵיתֶם כַּנְּשָׁרִים אֵבֶר / וַתִּשְׁמְנוּ בִּרְכוּשׁ וְהוֹן כָּל־גֶּבֶר

מַה־תִּדְאֲגוּ אוֹ תִּשְׁאֲגוּ אִם יַעֲלוּ / פַעַם בְּמִשְׁקֶלֶת לְסוֹחֵר עוֹבֵר

פִּרְעוּ בְנִשְׁיֵכֶם רְכוּשְׁכֶם עַד כְּלוֹת / הוֹנְכֶם וְשִׂימוּ עַל־אֱלֹהִים שֵׂבֶר

אַל־תַּחְשְׁבוּ כִּי יִשְׁכְּבוּ לַמָּוְתָה / נוֹשִׁים וְלִפְנֵיכֶם יְכַלֵּם דֶּבֶר

אוֹ תַעֲלֶה עַל־רוּחֲכֶם כִּי תִנְחֲלוּם / יוֹם יַחֲצֹב לָהֶם זְמַנָּם קֶבֶר

כִּי בָר וְשֶׁבֶר יֵשׁ לְהַחְיוֹת בַּר וְיֵשׁ / לִשְׁבֹּר מְתַלְעוֹת הַחֲטָאִים שֶׁבֶר.