– – ں – – – ں – – – ں
יוֹם בֹּא לְאֻמִּים עִם־קְהַל עַמִּים / אֶל־פְּנֵי יִצְחָק וְאֶל־כַּסְפּוֹ
אָז יֶעֱשַׁן אַפּוֹ כְּמוֹ כִבְשָׁן / יָקוּם לְהֻמָּם בָּחֳרִי קִצְפּוֹ
יִשְׁאַג כְּאָרְיֵה עַז וְכַלָּבִיא / עֵת בַּעֲדָרִים יִהְיֶה חָטְפוֹ
יִשֹּׁם וְלוֹ כִדְמוּת חֲמַת עַכְשׁוּב / קוֹל יֶהֱמֶה כִּכְפִיר עֲלֵי טַרְפּוֹ
עֵת יֶחֱזֶה אִישׁ דַּל אֲזַי יִגְדַּל / לִבּוֹ כְּלֵב שַׁחַל וְעַז תָּקְפּוֹ
אַךְ בַּחֲזוֹתוֹ שָׁם אֱנוֹשׁ עָרִיץ / אָז יֶחְשְׁכוּ כָּל־כּוֹכְבֵי נִשְׁפּוֹ
יִדְאַג וְלֹא יִשְׁאַג וְיִירָא פֶּן / יָקוּם וְכַשֶּׂה יַעֲרֹף עָרְפּוֹ.