– – ں – – – ں – – – ں – / – – ں – – – ں – – – –
אֶזְעַק לְמֵרָחוֹק וְעֵינַי יִבְכְּיוּן / כִּי אָבְדָה תִקְוָה וּמַעֲצָר כֹּחַ
הוֹי כִּי סְבָבוּנִי מְצוּקוֹת הַזְּמָן / גַּם עָמְדוּ בַמַּחֲנֶה שָׁטֹחַ
מִי יִהְיֶה מַחֲסֶה לְצִנָּה אוֹ לְצֵל / לָנוּ וְעַל־מִי נִבְטְחָה בָטֹחַ
כִּי מַלְאֲכֵי מָוֶת בְּאַרְצִי יִשְׁכְּבוּ / מֵהָאֱלֹהִים שֻלְּחוּ שָׁלֹחַ
אוֹי כִּי עֲלֵי זָקֵן וְטַף לֹא יַחְמְלוּ / כִּי כָל־קְהָלִי יִרְצְחוּ רָצֹחַ
אוֹיָה לְנַפְשֵׁנוּ וְאֵיכָה נַעֲמֹד / כִּי הַמְבוּכוֹת פָּרְחוּ פָרֹחַ.
קָמוּ נְגִידֵי עָם בְּזַעַם יֹאֽמְרוּ / הוֹן הַיְהוּדִים נִלְקְחָה לָקֹחַ
הֶרֶג וְאַבְדֹן אֶל־קְהַל עַם יַעֲקֹב / זָקֵן וְטַף יִנָּתְחוּ נָתֹחַ
אוֹי כִּי אֱלֹהֵינוּ בְּרָחוֹק יַעֲמֹד / אָמַר בְּלִבּוֹ אֶזְנְחָה זָנֹחַ
עַם יַעֲקֹב כִּי רָדְפוּ הֶבֶל וְרִיק / חֶטְאָם אֲנִי לֹא אֶסְלְחָה סָלֹחַ
אֵיכָה בְקוֹל רָעָה וְשׁוֹט זַעַם וְאַף / לֹא יִמְצְאוּ הַשְׁקֵט וְלֹא מָנוֹחַ
עַל־כֵּן אֲנִי אֶבְכֶּה וְאַכֶּה כַף בְּכַף / לִבִּי בְקִרְבִּי אֶפְלְחָה פָלֹחַ
מִלַּעֲשׂוֹת זֶבַח לְךָ עֶליוֹן וְצוּר / רוּחִי וְנַפְשִׁי אֶזְבְּחָה זָבֹחַ
כִּי רַחֲמֵי עֶליוֹן לְעַמּוֹ יִכְמְרוּ / חַסְדּוֹ וְטוּבֹו יִזְרְחוּ זָרֹחַ.
(1529/30)