סימן: עבדאללה כצ׳יר ח׳זק

עַל עֲלָמוֹת שִׁיר תַּנִּי

וְלֹא נִסְתַּר מֵעֵינִי

תָּעֹז, תָּרוּם יְמִינִי

וְהוֹשַׁעְתִּי לְצֹאנִי.

בְּנַפְשִׁי תַרְהִיבֵנִי

כִּימֵי קֶדֶם תְּנֵנִי

כֹּחִי וְרֵאשִׁית אוֹנִי

אֹרַח מִישׁוֹר תַּנְחֵנִי.

דַּלַּת רֹאשֵׁךְ אַרְגָּמָן

נִיב שִׁירֵךְ מִצּוּף טַעְמָן

בָּא הָעֵת, קָרַב הַזְּמָן

לְהוֹשִׁיעַ עַם עָנִי.

אֵל רַב כֹּחַ בְּמֶרֶץ

וְנִשָּׂא בִשְׁמֵי עֶרֶץ

אַחַר כָּבוֹד לְאֶרֶץ

הַנֶּגֶב נְתָנַנִי.

לְעֵת הָאֹכֶל גֹּשִׁי

אַל תִּירְאִי, אַל תֵּבוֹשִׁי

טֶרֶם תִּקְרְאִי, אִישִׁי,

אֶשְׁמַע, אֹמַר הִנֵּנִי.

לִימִין אֶבְיוֹן מַה נּוֹרָא

מִצָּרָתִי אִם אֶקְרָא

אַתָּה סֵתֶר לִי, עֶזְרָה

וּמִצַּר תִּצְּרֵנִי.

הִנֵּה מִקּוֹל מִצְהֲלוֹת

אֲיֻמָּה כַנִּדְגָּלוֹת

נוֹטְפוֹת מֹר וַאֲהָלוֹת

שִׂפְתוֹתַיִךְ חוּט שָׁנִי.

כִּי תִבְנֶה מִגְדָּל, מִשְׂגָּב,

צַדִּיק יָרוּץ וְנִשְׂגָּב

יְהַלֵּל פִּי בְעוּגָב

רוֹמֲמוֹת אֵל בִּגְרוֹנִי.

חִזְקַת לֵב, הִתְבַּשֵּׂרִי

מֵעָפָר הִתְנַעֲרִי

הַרְבִּי שִׁיר וְזַמֵּרִי

אֶת קוֹלֵךְ הַשְׁמִיעִינִי.