פִּזְמוֹן
יִפָּלֵא בְעֵינֵי כָל־אִישׁ / מַדּוּעַ אֵחַר יִשְׁעִי
וְיִתְמְהוּ בִי כָל־גּוֹיִם / זֵרוּ אָרְחִי וְרִבְעִי
הוֹשִׁיעָה אֵל וַעֲנֵנִי / וְאַל־תֵּפֶן לְרִשְׁעִי
מַלְכִּי אֵלֶיךָ אֶתְפַּלָּל / הַקְשִׁיבָה לְקוֹל שַׁוְעִי.
וּרְאֵה צַר רֹאשִׁי בְכַשִּׁיל / וְכֵילַפּוֹת יַהֲלֹם
סוּרוּ טָמֵא קָרְאוּ לָמוֹ / סוּרָה אַל־תִּקְרַב הֲלֹם
פְּנֵה וְהוֹלִיכֵנִי אֶל ־/ מְחוֹז חֶפְצִי לְשָׁלוֹם
וְאֶל מִשְׁכְּנוֹת מִבְטַחִים / גְּדִיּוֹתֶיךָ רְעִי.
אֵלֶיךָ אֶקְרָא בַּעֲטֹף / לִבִּי כִּי תַעֲנֵנִי
וּבְיוֹם צַר לִי לְךָ אָבֹא / כִּי בְצִלְּךָ תַּסְתִּירֵנִי
כִּי אַתָּה גוֹחִי מִבֶּטֶן / וְאַתָּה אֵל עוֹשֵׂנִי
אַתָּה יָדַעְתָּ שִׁבְתִּי / וְקוּמִי בַּנְתָּ לְרֵעִי.