– – ͝ – – – ͝ – – – –

חַסְדֵי שְׁנָתִי אַהֲבָה אַזְכִּירָה

עַל־כִּי פְנִינָה בַּחֲלוֹם הֶרְאָתְנִי

לֹא אֵֽדְעָה נַפְשִׁי וְאֵיךְ שָׂמָתְנִי

נָאוֹר וְאֵיךְ תּוֹךְ מַאֲפֵל הֵאִירָה.

חַסְדָּהּ גְּבִרְתִּי בֶּאֱמֶת הִגְבִּירָה

עָלַי בְּחֶזְיוֹנָהּ אֲשֶׁר חִיָּתְנִי

אָמְנָם בְּהָקִיצִי הֲלֹא הֶלְאָתְנִי

מִי יִתְּנֵנִי־נָא וְלֹא אָעִירָה.

יָשׁוּב חֲלוֹמִי עוֹד וְיַחְלִימֵנִי

אָז לַתְּנוּמָה אֶקְרְאָה שָׂרָתִי

כִּי הִיא תְחַיֵּנִי וְתַחְלִימֵנִי.

אוֹדֶה עֲלֵי פִשְׁעִי אֲשֶׁר חָטָאתִי

גַּם כִּי תְבוּנָה נִדְּחָה מִמֶּנִּי

עֵת לָהּ דְּמוּת הַמָּוְתָה קָרָאתִי.