מַה לְּךָ אֱנוֹשׁ / ר' משה אבן-עזרא
מַה לְּךָ אֱנוֹשׁ תַּעְכֹּר צְפוּנוֹתֶיךָ
תּוֹעה כַשִּׁכּוֹר בְּמַחְשְבוּתֶיךָ
עַד אָן לֹא תִזְכּׁר אַחֲרִיתֶךָ –
מָתַי תָּקוּם מִשְנָתֶךָ: מש' ו, ט
שֶׁקֶר נָחֲלְתָּ בְּמַעְלָלֶיךָ
וּפִיךָ הֶאֱכַלְתָּ פְּרִי פָעֳלֶךָ
לִמְאֹד הִסְכַּלְתָּ זְמָן הַבְלֶךָ
יְמֵי יַלְדוּתֶךָ וְשַּחֲרוּתֶךָ: קה' יא, י
הוֹגַעְתָּ יוֹצְרָךָ בְּחׁזֶק מֵצַח
הֶאֱמַרְתָּ יִצְרָךְ לְהָרַע נֶצַח
הִדָּשְׁתָּ זִכְרָךְ בְּחָרוּץ קֶצַח
עַל עַבְדוּתֶךָ לְתַאֲוָתֶךָ:
חָלְפוּ שְׁנֵי נֹעַר וּזְמָן עֶדְנָה
וְהָיוּ מְעַט מִזְעָר וְקָפְצָה זִקְנָה
וְתִסְכַּל וְתִבְעַר מֵאֵין תְּבוּנָה
כָּלוּ שְׁנוֹתֶיךָ וְזִקְנָתֶךָ:
זֵד, עַיִן פְּקָחָה וַחֲקֹר דֵּעָה
וְהַט אׁזֶן פְּתָחָה וְהָבֵן שְׁמוּעָה
וְצֵא לָתוּר מְנוּחָה אֶל הַבִּקְעָה
מִשְׁכָּן אֲבוֹתֶיךָ וְיַלְדוּתֶךָ:
קָרֵב בֵּן יִשְׁאַף לְצֵל חֲסָדֶיךָ
הוֹמֶה בְלֵב נֶעֱטַף בַּעֲלוֹת חֲמָתֶךָ
צוּרִי, אַל תַּט בֱּאַף אֶל עַבְדְּךָ בֶּן אֲמָתֶךָ: תה' קטז, טז