Jacob Vita Israel
[נולד באיטליה וחי באמצע המאה הי"ח באַמְסְטֶרְדָּם]
– – ͝ – – – ͝ – – – –
כִּנִּים וּפַרְעשִׁים הֲלֹא תֹּאמֵרוּ
מִי זֶה אֲשֶׁר קָרָא אֲלֵיכֶם הֵנָּה
לָבֹא בְמִטָּתִי לְהָעִירֵנִי
אִמְרוּ בְּנֵי עַוְלָה וְחִישׁ דַּבֵּרוּ
לָאוֹרְחִים פֹּה תַעֲשׂוּ כָהֵנָּה
לָבֹא בְלִי רִשְׁיוֹן לְהָקִיצֵנִי
קוּמוּ וּבִמְהֵרָה צְאוּ, אִם אָיִן
אֶת־זַרְעֲכֶם אָשִׁיב כְּאָז אֶל־אָיִן.
אַךְ הֵם כְּפֶתֶן אָֽטְמוּ אָזְנֵימוֹ
לֹא שָֽׁמְעוּ מִלַּי וְלֹא הִקְשִׁיבוּ
וִיצַמְּקוּ גוּפִי בְמוֹ כָל־רוּחַ
יִמַּח שְׁמָם לָעַד וְגַם זִכְרֵימוֹ.
וּבְלַהֲבַת הָאֵשׁ כָּעֵץ יַלְהִיבוּ
גּוּפָם, וְאֶפְרָם יִזְרְקוּ לָרוּחַ
כִּי כַכְּפִירִים שׁוֹאֲגִים לָטָרֶף
הָיָה לְשִׁנֵּיהֶם בְּשָׂרִי טָרֶף.
לָכֵן כְּמוֹ אַחִים בְּאִישׁוֹן לַיִל
גּוּדָל וְאֶצְבַּע נוֹעֲדוּ נֶחְבָּרוּ
לִנְקֹם נְקַם דָּמַי אֲשֶׁר צָמָקוּ
וַיִּכְתְּשׁוּ מֵהֶם בְּעֹז וָחָיִל.
מֵהֶם בְּמַחַט הָֽרְגוּ דָקָרוּ
מֵהֶם לְאוֹר הַנֵּר בְּאַף זָרָקוּ
אַךְ כַּאֲשֶׁר נֻכּוּ וְכִי נִפְרָצוּ
כֵּן לִֽרְבָבוֹת שָֽׁרְצוּ פָרָצוּ.
כָּכָה אֱלֵי רֵעַי אֲנִי שָׁאַלְתִּי
לִמְצֹא לְנַפְשִׁי פֹה מְעַט מַרְגּוֹעַ
“מָה” אֹֽמְרָה "אֶל־עַם קְשֵׁה הָעֹרֶף
מָה אֶעֱשֶׂה לָהֶם וְלֹא פָעָלְתִּי"
וַיַּעֲנוּ "לֹא יוּֽכְלוּ לִגְוֹעַ
כִּי אִם בְּהִתְקָרֵב יְמֵי הַחֹרֶף"
אָז צָעֲקָה נַפְשִׁי "אֲהָהּ חָנֵּנִי
חִישׁ־נָא סְתָיו וּבֹא וְהוֹשִׁיעֵנִי".