אַחַי הַבַּחוּרִים אִם נָא תַשְׁקִיפוּ
הַיֶּלֶד הָעִוֵּר נָאוֶה מִנֶּגֶד
גַּלּוּ אֶת־עֵינֵיכֶם וּרְאֹה הוֹסִיפוּ
כִּי הוּא מַסְתִּיר חִצִּים תַּחַת הַבֶּגֶד.
הֵא שִׂפְתוֹתָיו רַכּוּ הַטַּף יַטִּיפוּ
כָּל־עֹנֶג כָּל־שָׂשׂוֹן כָּל־טוּב כָּל־מֶגֶד
רַק שַׂרְעַפָּיו זָרִים הַקֵּף יַקִּיפוּ
כָּל־אָוֶן כָּל־מִרְמָה כָּל־רִיב כָּל־בֶּגֶד.
גַּם אָנֹכִי מֵאָז אֵלָיו נִקְרֵאתִי
אַף־הוּא כִמְצַחֵק בִּי שָׁנָה וָחֵצִי
חִנַּנִּי בִנְדָבָה מַה הִתְאַוֵּיתִי.
אוּלָם כִּתְמוֹל שִׁלְשׁוֹם דָּרַךְ עַד־רֶגַע
קַשְׁתּוֹ הַנּוֹרָאָה וַיּוֹר בִּי חֵצִי
וּרְאוּ כִּי בִלְבָבִי פָשָׂה הַנָּגַע.