– – ͝ – – – ͝ – – – –

רוֹפֵא יְמִין יָדָיו צֳרִי כוֹתָבֶת

וּשְׂמֹאל מְלֹא כַפָּהּ כְּבָר הִצִּיעָה

יַבְטַח אֲרוּכָתוֹ לְכָל־עַצָּבֶת

נֶחְפָּז יְקַבֵּל פָּז וּבַל הִגִּיעָה.

אִם נַעֲרָה תִתְחַל יְאַחֵר שֶׁבֶת

עַל־יַרְכְּתֵי עַרְשָׂהּ עֲדֵי הִרְגִּיעָה

אַךְ אִם זְקֵנָה הִיא אֲשֶׁר כּוֹאָבֶת

יַשְׁלִים פְּקֻדָּתוֹ בְעַד אַרְגִּיעָה.

עֵת אֶחֱזֶה יָדוֹ אֲשֶׁר הִפִּילָה

יוֹם יוֹם לְפִי נוֹצָה חֲלָלִים אָלֶף

בֵּינוֹ וּבֵין־שׁוֹטֵר מְעַט אַבְדִּילָה.

רַק מָה? הֲלֹא עֶרְכָּם רְחֹקָה, עֵקֶב

כִּי הוּא יְמוֹתֵת רַק עֲנוּשֵׁי סָלֶף

זֶה יַהֲרֹג נָקִי וְנָשָׂא עֵקֶב.