צִיּוֹן הַנִּדָּחָה כִּי עַד־הָאֵפֶר
הָאֵל הַמִּתְנַשֵּׂא הִטָּה פָנָיִךְ
וּלְמַעַן עַנּוֹתֵךְ וּקְהוֹת שִׁנָּיִךְ
אֶת־אֹמֶץ הָאֻמִּים הִרְבָּה וַיֶּפֶר.
מָתַי מָתַי נָאוָה בִּפְאֵר וָשֵׁפֶר
תּוֹפִיעִי מִסָּבִיב, כִּי אָז בָּנָיִךְ
יָרֹנּוּ בִצְדָקָה וּמְתֵי מוֹנָיִךְ
יֵבֹשׁוּ יַחַד כַּכָּתוּב בַּסֵּפֶר.
קוֹל כַּתַּנִּים עַל־מַפַּלְתֵּךְ אָרִימָה
אֶשֹּׁם אֶשְׁאַף אַצְרִיחַ אַף־אָרִיעַ
כִּי מִמַּכַּת מַכֵּךְ מֻכֶּה גַם־אָנִי.
אָרִיד בִּמְרִי שִׂיחִי וּמְאֹד אָהִימָה
שָׁלוֹם לֹא יִהְיֶה לִּי עַד־כִּי יַגִּיעַ
יוֹם הַבָּהִיר הַהוּא כִּי תִכּוֹנָנִי.