– – ͝ – – – ͝ – – – –
יָחִיל בְּקִרְבִּי לֵב וְאֵימוֹת־מָוֶת
אוֹי נָֽפְלוּ עָלַי אֲנִי הַגָּבֶר
אַךְ טוֹב הֱיוֹת כַּמֵּת בְּעִמְקֵי־קָבֶר
מִלַּחֲזוֹת עָמָל וְשֹׁד צַלְמָוֶת
כִּי כוֹֽכְבֵי מָרוֹם הֲלֹא נִלְחָמוּ,
מִנִּי מְסִלּוֹתָם וּפִיד זָמָמוּ.
אֹמַר "שְׁעוּ אַחַי וְאַל־תָּאִיצוּ
עַתָּה בְנִחוּמִים וְדִבְרֵי־הֶבֶל"
אֶשְׁאַג וְאֶתְאוֹנֵן לְהַרְבּוֹת אֵבֶל
עַד שׁוֹֽכְבֵי עָפָר לְקוֹל יָקִיצוּ
אוֹ עַד־אֲשֶׁר אֶגְוַע כְּמוֹהֶם אָנִי:
כִּי מַה־לְּחֶלֶד זוֹ אֲשֶׁר רִמָּנִי.
שַׂשְׂתִּי אֲהָהּ לַשָּׁוְא כְּצֵאת מֵרֶחֶם
אֶתְמוֹל בְּנִי יַקִּיר וְהֵן גֹּוֵעַ
הָיָה כְמוֹ שׁוֹשָׁן לְהִשְׁתַּעְשֵׁעַ
יָקוּם וְיִתְהַלֵּךְ וְיֹאכַל לָחֶם
הֵן מָֽתְקוּ מִצּוּף נְשִׁיקוֹת פִּיהוּ
כִּי אֶשְׁכְּחָה בָּהֶם יְגוֹן אָחִיהוּ.
יִשְׁכַּב לְיַד חֵיקִי בְּעֵת אִישָׁנָה
אִם אֵֽלְכָה בַחוּץ וְהוּא בַדָּרֶךְ.
יִקְטַן לְהַרְגִּיעִי כְבָר כָּל־פָּרֶךְ,
כִּי אֵין עֲרוֹךְ אֵלָיו, וְאָן וְאָנָה
בָּרָה תְמוּנָתוֹ, וּמַה־לִי בֶצַע
רַק בַּעֲבוּר סַבֵּב כְּאֵב וָפֶצַע.
הָהּ הִנְנִי דָוֶה בְּאֶפֶס נָחַת
אֶתְהַלְּכָה קוֹדֵר וְלֹא אַרְגִּיעַ
קוֹל צַעֲקַת לִבִּי לְעָב יַגִּיעַ
אַרְגִּיז בְּאַנְחוֹתַי שְׁאוֹל מִתָּחַת.
אֶמְאַס הֲבֵל עוֹלָם וְשָׁוְא כָּל־שֶׁפֶר
דִּמְעָה בְּשִׁקּוּיַי וְלַחְמִי אֵפֶר.
אֶרֶץ אֲשֶׁר דָּמוֹ תְכַסִּי הֵנָּה
בִּינִי בְבֵין בָּנִים, וּמִי כָמֹהוּ.
הִנֵּה לְכֻלָּהַם יְהִי קַו תֹּהוּ
כָּעֵת כְּלִי חֶמְדָּה, רְאִי, אֶתֵּנָה.
רִמָּה וְתוֹלֵעָה אֲהָהּ תַּחְשׂכִי
יָד הַחֲזִיקִי בוֹ וְנָא תִּתְמֹכִי.
עַד־בֹּא דְבַר הָאֵל בְּבָתֵּי־חֹמֶר
לְשׁוּב אֱלֵי עַצְמוֹ בְּשַׂר כָּל־רוּחַ
כִּי אָז בְּטַל אוֹרוֹת יְנוֹפֵף רוּחַ
יִקְשַׁב פְּרִי בִטְנִי וְיִתֶּן אֹמֶר.
יִפְרַח כְּשׁוֹשַׁנָּה יְהִי כַזָּיִת
יָשׁוּב לְחֵיק הוֹרִים כְּבוֹד הַבָּיִת.
נִינִי אֲשֶׁר מֵרָע לְטוֹב נָסַעְתָּ
לֹא לֹא לְגוֹרָלְךָ אֲנִי קִנֵּאתִי
אֶת־שִׁבְתְּךָ אֵדָע אֲבָל יָרֵאתִי
פֶּן נָֽוְךָ תִּשְׁכַּח אֲשֶׁר הוֹפָעְתָּ:
הֵן הִיא מְבֻלָּקָה וְרַק בָּהּ אֹפֶל
יוֹם לֶכְתְּךָ מוּעָף בְּעֵדֶן עֹפֶל.
מִשָּׁם רְאֵה הָאָב אֲשֶׁר דּוֹמֵעַ
וָאֵם רְאֵה דָוָה בְּפַלְגֵי־מָיִם
הַבֵּט וְשָׂא רִנָּה לְאֵל שָׁמָיִם
כִּי תַאֲוַת דַּלִּים יְהִי שׁוֹמֵעַ.
נַחְנוּ בְּבוֹר תֵּבֵל כְּמַר וּכְשַׁחַק
אַתָּה הֱוֵה מֵלִיץ וְעֵד בַּשַּׁחַק.