שירי אהבה. סימן: יצחק

יוֹנָתִי עֵינַיִךְ נֹגַהּ

יִפְעַת שַׁחַר – עַפְעַפַּיִךְ

יִמְחֲצוּ לִבִּי חִצַּיִךְ

כִּי נַפְשִׁי לָךְ תַּעֲרֹגָה.

צוּף אֲמָרַיִךְ נָעֵמוּ

הוֹד וְהָדָר בָּם הוּרָקוּ

מִדְבַשׁ לַחֵךְ מָתָקוּ

בְּחֵן וְנֹעַם עָצֵמוּ.

חֵךְ מָתוֹק מִכָּל מִרְקַחַת

הֲלֹא לָךְ, זוּלָתֵךְ אַיִן

גַּם רֵיחַ אַפֵּךְ מִיַּיִן

יִנְעַם, גַּם יַצִּיל מִשַּׁחַת.

קוּמִי רַעְיָתִי הוֹפִיעִי

אַל נָא עִמָּדִי תִקְצֹפִי

אַל נָא לְבָבִי תִשְׂרֹפִי

אִמְרִי לְנַפְשִׁי הַרְגִּיעִי.